Pa Timutáusá Pulosay awali kágad 2:4 - Hodáay Pákén Ketáb Balochi zobáná

⁴ hamá Hodá ke pa sajjahén mardomán nejátay wáhagdár ent o lóthit ke har mardom rástiá pajjáh byárit o bemannit.

Pa Timutáusá Pulosay awali kágad 2:4 Iomraidhean Croise

Mattá 28:19

Paméshká, berawét sajjahén kawmán mani morid bekanét, Pet o Chokk o Pákén Ruhay námá pákshódi bedayét o

Markás 16:15

Gón áyán gwashti: “Shomá donyáay sajjahén kawmáni kerrá berawét o wasshén mestágá sar kanét.

Luká 1:77

Taw áiay kawmá é zántá dayay ke gón áyáni gonáháni pahelliá, Hodá áyána rakkénit.

Luká 14:23

Gorhá hodábondá wati golám hokm kort: ‘Shahrá dhann, ráh o rahsarán beraw, mardomán shóház kan o áyán mennat kan o mani lógá byár tánke mehmánjáh cha mardomá porr bebit.’

Luká 24:47

áiay námay sará, tawbah o gonáháni pahelli báyad pa sajjahén kawmán jár janag bebit. É káray bongéj cha Urshalimá bit.

Yuhanná 14:6

Issáyá gwasht: “Ráh man án, rásti man án o zend bakshók ham man án. Kass Petay kerrá sar buta nakant, agan mani ráhá marawt.

Yuhanná 17:17

Eshán gón rástiá pák o palgár kan, tai habar rásti ent.

Yuhanná 6:37

Á sajjahénán ke Pet maná dant, á mani kerrá káyant. Harkas ke mani kerrá kayt, man áiá hechbar cha wat dura nakanán.

Pulosay kágad pa Rumián 11:14

pa é ométá ke wati jenday mardomán hasaddig bekanán o é paymá cha áyán lahténá berakkénán.

Pa Timutáusá Pulosay awali kágad 4:10

Paméshká má wati wasá kár o johda kanén, chéá ke má wati omét namiránén Hodáay sará bastag. Sajjahén mardománi rakkénók hamá ent, hás hamáyáni rakkénók ent ke imána kárant.

Pa Timutáusá Pulosay domi kágad 2:25

Wati helápén mardomán pa narmi rástén ráhá sój bedant, balkén Hodá áyán móh bedant ke tawbah bekanant o rástiay zántá sar bebant,

Pa Timutáusá Pulosay domi kágad 3:7

Choshén janén modám nókén tálimáni randá kapant, bale hechbar rástiá sarpada nabant.

Pa Titusá Pulosay kágad 1:1

Cha Pulosay némagá, mane Pulos ke Hodáay hezmatkár o Issá Masihay kásedé án ke Hodáay gechén kortagénáni imáná mohrter bekanán o áyáni rástiay zántá démá bebarán, hamá rásti ke dém pa Hodátorsiá rahshóna bit.

Pa Titusá Pulosay kágad 2:11

Chéá ke Hodáay rahmat ke sajjahén mardomán rakkénta kant, záher butag.

Ákub 3:14

Bale agan shomay delá tahlén hasadd o watgarazi mán ent, gorhá pahr makanét, dróg mabandét o é rástiá bemannét.

Petrosay Domi Kágad 3:9

Lahtén mardom gomána kant o gwashit ke Hodáwandá wati per tarrag o áyagay kawl o wádah mahtal dáshtag, bale chosh naent. Rástén habar esh ent ke Hodáwand gón shomá sabr o ópára kant, wahd o móha dant ke gonahkár tawbah bekanant, chéá ke nalóthit kassé gár o bégwáh bebit.

Yuhannáay Domi Kágad 1:1

Cha kelisáay kamáshay némagá, pa gechén kortagén bánok o áiay chokkán ke pa del maná sakk dóst ant. Tahná maná na, hamá sajjahénán ham dóst ant ke rástiá zánant.

Elhám 14:6

Padá man dega préshtagé dist, ásmánay nyámá bál at. Abadi wasshén mestágé gón ati ke pa zeminay saray neshtagénán, pa har kawm, kabilah, zobán o rájá jári bejant.