Pa Timutáusá Pulosay awali kágad 1:11 - Hodáay Pákén Ketáb Balochi zobáná

¹¹ hamá tálim ke áiay sarchammag mazanshánén Hodáay porshawkatén wasshén mestág ent ke mani dastá dayag butag.

Pa Timutáusá Pulosay awali kágad 1:11 Iomraidhean Croise

Zabur 138:2

Dém pa tai pákén parasteshgáhá kóndhána kapán o tai námá názénán pa tai mehr o wapádáriá ke taw wati nám o wati mohrén ahd o karár cha sajjahén chizán géshter mazani bakshátag.

Luká 2:14

“Shán o shawkat borzén arshay Hodáyá bát o zeminay sará sohl o émeni pa hamá mardomán bát ke Hodá cha áyán wassh o washnód ent.”

Pulosay kágad pa Rumián 2:16

É hamá róchá paddara bit ke Hodá cha Issá Masihay ráhá, mardománi chér o andémén pegráni dádrasiá kant, hamá dhawlá ke mani wasshén mestága gwashit.

Pa Galátián Pulosay kágad 2:7

Mani tálimáni tahá chizzé gésh kanagay badalá, á sarpad butant ke sonnat nakortagénáni kerrá wasshén mestágay jár janagay zemmah maná dayag butag, anchosh ke sonnat kortagénáni kerrá é járay janagay zemmah Petrosá dayag butag.

Pa Tesálunikián Pulosay awali kágad 2:4

Wasshén mestágay járá paméshká janagá én ke Hodáyá márá chakkásetag o distagi ke má é káray láhek én. Má mardománi wassh kanagay johdá naén, Hodáay wassh kanagay johdá én, hamá Hodá ke may delána chakkásit.

Pa Timutáusá Pulosay awali kágad 2:7

Man pa é maksadá gechén kanag butagán ke jár janók o kásedé bebán o darkawmán imán o rástiay tálimá bedayán. Man rást gwashagá án, dróg nabandagá án.

Pa Timutáusá Pulosay awali kágad 6:15

Hodáwandén Issá Masihay áyagay wahdá Hodá wata gisshénit, hamá yakkén mazanshánén Hákem ke bádsháháni Bádsháh o hodáwandáni Hodáwand ent,

Pa Timutáusá Pulosay awali kágad 6:20

Oo Timutáus! Harché ke tai amánat kanag butag, áiay negahpániá bekan. Watá cha bé sar o pádén gappán ke gón Hodáyá hecch sar o káresh nést dur bedár o watá cha hamá drógén tálimán ham dur bedár ke pa radi zántay nám dayag butagant.

Pa Timutáusá Pulosay domi kágad 1:11

Man gechén kanag butagán ke é wasshén mestágay jár janók o kásed o tálim dayóké bebán.

Pa Timutáusá Pulosay domi kágad 1:14

Hamá wasshén mestág ke tai amánat ent, gón Pákén Ruhay komakká, áiay negahpániá bekan, hamá Pákén Ruh ke may tahá zendag ent.

Pa Timutáusá Pulosay domi kágad 2:2

Harché ke man bázén sháhedéay démá gwashtag o taw eshkotag, é tálimán anchén porehtebárén mardománi sepordah bekan ke degarán tálim dát bekanant.

Pa Titusá Pulosay kágad 1:3

May rakkénókén Hodáyá, wati hokmay barkatá, é paygámay jár janagay zemmawári maná dátag o é paymá wati habari pa wahd záher kortag.