Pa Tesálunikián Pulosay awali kágad 5:24 - Hodáay Pákén Ketáb Balochi zobáná

²⁴ Hamá Hodá ke shomárá tawára kant, wati kawlay sará óshtátag o é kárá kant.

Pa Tesálunikián Pulosay awali kágad 5:24 Iomraidhean Croise

Zabur 100:5

ke Hodáwand nék ent o mehri abadmán, áiay wapádári nasláni nasl barjáha mánit.

Zabur 138:2

Dém pa tai pákén parasteshgáhá kóndhána kapán o tai námá názénán pa tai mehr o wapádáriá ke taw wati nám o wati mohrén ahd o karár cha sajjahén chizán géshter mazani bakshátag.

Zabur 146:6

hamáiay sará ke zemin o ásmánay jórh kanók ent o daryá o har ché ke daryáyá hast, hamáiay sará ke tán abad wapádár ent,

Zabur 36:5

Oo Hodáwand! Tai mehr arshá rasit o wapádári tán jambarán.

Zabur 40:10

Tai rakkénókén madaton wati delá chér nadátag, tai wapádári o nejátbakshiay bárawá habaron kortag o cha mazanén diwáná tai mehr o wapáon napóshéntag.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Zabur 89:2

Man gwasht ke “tai mehr abadmán ent o taw wati wapádári, ásmáná káhem kortag.”

Zabur 92:2

Bámgwáhán tai mehr o shapán tai wapádáriay járay janag,

Mattá 24:35

Zemin o ásmán gára bant, bale mani habar hechbar gár o zyána nabant.

Yuhanná 1:17

É rást ent ke Sharyat cha Mussáay wasilahá bakshag butag, bale rahmat o rásti cha Issá Masihay wasilahá átk.

Yuhanná 3:33

Harkasá ke mannetag, gwáhii dátag ke Hodá rásti ent.

Pulosay kágad pa Rumián 8:30

Á ke Hodáyá cha pésará gisshéntant, gwánki ham jatant, á ke Hodáyá gwánk jatant, pák o palgári kortant o á ke pák o palgári kortant, shán o shawkati ham dátant.

Pulosay kágad pa Rumián 9:24

Má ham ke Hodáay gwánk jatagén én é rahmatay chérá én, tahná cha Yahudiáni nyámá gwánk jang nabutagén, cha darkawmáni nyámá ham gwánk jang butagén.

Pa Galátián Pulosay kágad 1:15

Bale Hodáyá ke maná cha mátay lápá gechén kortagat, cha wati rahmatay barkatá maná tawár jat o paysalahi kort

Pa Tesálunikián Pulosay awali kágad 2:12

Má shomárá delbaddhi o deljami dát o dazbandi kort ke anchén zendé begwázénét ke Hodáay láhek bebit, hamá Hodá ke shomárá tawára kant ke dém pa mani bádsháhi o shán o shawkatá byáét.

Pa Tesálunikián Pulosay domi kágad 2:14

Pa é kárá, Hodáyá shomárá may wasshén mestágay barkatá tawár kortag ke shomá may Hodáwandén Issá Masihay shán o shawkatá bahramand bebét.

Pa Tesálunikián Pulosay domi kágad 3:3

Bale Hodáwand wati kawlay sará óshtátag o shomárá mohr o mohkama kant o cha sherr o Shaytáná dura dárit.

Pa Timutáusá Pulosay domi kágad 1:9

Hodáyá márá neját dátag o pa pákén zendéá gwánk jatag. Márá may kortagén káráni sawabá gwánki najatag, wati jenday erádah o rahmatay bonyádá gwánki jatag o é rahmat márá Issá Masihay barkatá, cha azalá dayag butag o

Pa Timutáusá Pulosay domi kágad 2:13

Agan má gón áiá béwapái bekanén, á gón má angat wapá kant, chéá ke á wati tab o sareshtay helápá shota nakant.

Pa Titusá Pulosay kágad 1:2

É zánt márá abadmánén zenday ométá dant o Hodá ke dróga nabandit, áiá ham cha azalá é abadmánén zenday wádah kortag.

Petrosay Awal Kágad 5:10

Nun Hodá, ke sajjahén rahmatáni málek ent o shomárá cha Masihay ráhá dém pa hamá abadmánén shawkatá gwánki jatag, shomay kammén sakki o sóriay saggagá rand, shomárá nóksará twána dant, mohr o mohkama kant o páydári o zóra bakshit.

Petrosay Domi Kágad 1:3

Áiá gón wati Hodái wák o kodratá, márá har zalurién chizz pa anchén zendéá dátag ke Hodáyá pasond ent. É chizz márá cha hamáiay pajjáh áragá rasetag ke gón wati néki o shán o shawkatá márá gwánki jatag.

Elhám 17:14

É gón Gwarándhá janga kanant bale Gwarándh eshán prósha dant, chéá ke á, hodáwandáni Hodáwand o bádsháháni Bádsháh ent o hamá ke gón áiá góna bant, áiay tawár jatagén, dar chetagén o wapádárén hamráh ant.”