Pa Tesálunikián Pulosay awali kágad 4:17 - Hodáay Pákén Ketáb Balochi zobáná

¹⁷ padá má ke angat zendag én o hamedá én, chest kanag o gón áyán hawár jambaráni tahá ásmáná baraga bén ke Hodáwandá didár bekanén. É paymá, modám gón Hodáwandá yakjáha bén.

Pa Tesálunikián Pulosay awali kágad 4:17 Iomraidhean Croise

Zabur 16:11

Taw maná zenday ráhá sója dayay o wati bárgáhá maná cha shádmániá sarrécha kanay. Tai rástén kashá, wasshi abadmán ent.

Zabur 17:15

Bale man pa pahrézkári tai démá gendán, ágáh ke bán, cha tai gendagá séra bán.

Zabur 49:15

Bale Hodáwand mani arwáhá cha mordagáni jaháná mókit o maná wati dastá zurit. Ósht...

Zabur 73:24

Gón wati sar o sóján maná rahshónia kanay o randá gón shán o shawkaté zuray.

Dányál 7:13

Man shapay elhámán cháragá atán ta diston, gón ásmáni jambarán ensáni chokkéay dhawléné áyagá at o hamáiay némagá pédák at ke cha zamánagán hastent o áiay démá árag o pésh kanag but.

Mattá 26:64

Issáyá darráént: “Taw wat gwasht. Bale shomá sajjahénán hála dayán, démterá gendét ke Ensánay Chokk zóráwarén Hodáay rástén némagá neshtag. Cha ásmánay jambaráni sará ham kayt.”

Markás 14:62

Issáyá passaw dát: “Man Hamá Án, shomá yakk róché gendét ke Ensánay Chokk, zóráwarén Hodáay rástén némagá neshtag. Cha ásmánay jambaráni tahá ham kayt.”

Yuhanná 12:26

Agan kasé lóthit mani hezmatá bekant, gorha á lázom mani randgiriá bekant o har jáh ke mana bán, mani hezmatkár hamódá gón man góna bit. Agan kasé mani hezmatá kant, mani Pet áiá sharapdára kant.

Yuhanná 14:3

Bale angat man pa shomay jágahay tayár kanagá rawán o padá káyán o shomárá gón wata barán, tánke hamódá ke man án, shomá ham hamódá bebét.

Yuhanná 17:24

Oo Pet! Mana lóthán ke hamá mardom ke taw maná dátagant, hamódá gón man yakjáh bebant ke man án tánke hamá shawkatá begendant ke taw maná dátag, chéá ke cha jahánay jórh bayagá pésar ham taw maná dóst dáshtag.

Kásedáni Kár 1:9

Cha é habaráni gwashagá rand, áyán dist ke Issá ásmáná barag but o jambaréá á cha moridáni démá chér o andém kort.

Kásedáni Kár 8:39

Wahdé cha ápá dar kaptant, anágat Hodáwanday Ruhá, Pilipos chest kort o bort, Habashi kelitdárá padá Pilipos nadist, bale pa gal o shádehi wati ráhi gept.

Pa Pilipián Pulosay kágad 1:23

Man dodel án, mani armán ent ke berawán o gón Masihá yakjáh bebán, chéá ke é sakk báz gehter ent,

Pa Tesálunikián Pulosay awali kágad 3:13

Hodáwand shomay delá mohr o mohkam kanát ke wahdé may Hodáwandén Issá gón wati sajjahén palgártagénána kayt, shomá may Hodáén Petay bárgáhá béayb o pák o palgár bebét.

Pa Tesálunikián Pulosay awali kágad 4:15

Má Hodáwanday jenday habaráni bonyádá shomárá gwashagá én, má ke annun zendag én o tán Hodáwanday áyagá zendaga mánén, hecch paymá cha waptagénán pésara narawén.

Pa Tesálunikián Pulosay awali kágad 4:18

Paméshká yakdomiá gón é habarán delbaddhi bedayét.

Pa Tesálunikián Pulosay awali kágad 5:10

Á pa má mort ke má, toré zendag bebén yá marká wáb, gón áiá zendag bemánén.

Petrosay Domi Kágad 3:13

Bale má nókén ásmán o zeminay entezár o wadárá én ke áyáni tahá adl o rásti hákema bit. Chéá ke é Hodáay labz o wádah ent.

Elhám 1:7

Bechár, á gón jambarán pédák ent o hamok chamm áiá gendit, hamá ham ke áiay jánesh thong thong kortag o zeminay sajjahén kawm hamáiay sawabá porsiga bant. Haw, anchosh bát. Ámin.

Elhám 11:12

Padá eshán borzén tawáré eshkot ke cha ásmáná gón eshán gwashagá at: “Edá, borzád byáét.” Esháni dozhmen cháragá atant o é, jambaréay tahá borzád ásmáná shotant.

Elhám 12:5

Janéná mardénchokké pédá kort, hamá ke áiá sajjahén kawmáni sará gón ásenén asáéá hokmráni kanagi ent. Janénay chokk pach gerag o Hodá o áiay tahtay kerrá barag but.