Pa Tesálunikián Pulosay awali kágad 3:8 - Hodáay Pákén Ketáb Balochi zobáná

⁸ Nun má árámá neshta kanén ke shomá Hodáwanday ráhá mohr óshtátagét.

Pa Tesálunikián Pulosay awali kágad 3:8 Iomraidhean Croise

Zabur 30:5

Chiá ke hezhmi damáné o mehr o rahmati omray drájiá. Bit ke sajjahén shapé pa gréwag begwazit, bale bámgwáhá shádehi wati chehragá záhera kant.

Yuhanná 15:4

Shomá mani del o daruná bemánét o man shomay del o daruná mánán. Agan thálé gón drachká hór mabit, bar áworta nakant. Hamé paymá shomá ham agan gón man hór mabét, bar áworta nakanét.

Yuhanná 15:7

Agan shomá mani del o daruná bemánét o mani habar shomay delá bemánant, harché ke lóthét belóthét, shomárá rasit.

Yuhanná 8:31

Randá, Issáyá gón hamá Yahudián gwasht ke áiay sará imánesh áwortagat: “Agan mani habaráni sará bóshtét, pa del mani morid ét.

Kásedáni Kár 11:23

Wahdé á ódá raset o Hodáay rahmati dist, gal but o mardomi delbaddhi dátant ke pa del Hodáwanday wapádár o mannók bebant.

Pa Galátián Pulosay kágad 5:1

Masihá márá ázát kort ke má ázát bebén. Gorhá mohr bóshtét, watárá padá golámiay jogay chérá rawagá maylét.

Pa Pilipián Pulosay kágad 1:21

Pa man, zenday máná pa Masihá zendag bayag ent o mark wa katth o páedagé.

Pa Pilipián Pulosay kágad 1:27

Toré harché bebit, wati zendá anchosh begwázénét ke Masihay wasshén mestágá bekarzét. Gorhá agan man shomay cháragá byáyán yá cha shomá dur bebán, bass sahig bebán ke shomá yakdel o yakján ét o mohr óshtátagét o pa wati báwará, bezán pa wasshén mestágá pa hamdeli johd kanagá ét o

Pa Pilipián Pulosay kágad 4:1

Paméshká, Hodáwanday ráhá mohr bóshtét. Mani dordánagén brátán! Man pa shomay didárá hodónák án. Mani dordánagán! Shomá mani shádmáni o táj ét.

Pa Tesálunikián Pulosay awali kágad 3:7

Eshiay sawabá, oo brátán, márá wati sajjahén janjál o ázáráni tahá shomay bárawá deljami raset, shomay imánay sawabá.

Petrosay Awal Kágad 5:10

Nun Hodá, ke sajjahén rahmatáni málek ent o shomárá cha Masihay ráhá dém pa hamá abadmánén shawkatá gwánki jatag, shomay kammén sakki o sóriay saggagá rand, shomárá nóksará twána dant, mohr o mohkama kant o páydári o zóra bakshit.

Petrosay Domi Kágad 3:17

Paméshká, oo dordánagán! Nun ke shomá é sajjahén chizzán cha pésará zánét, pahréz kanét tán radkár o násharén mardom shomárá wati gomráhiay némagá mabarant o shomá wati mohr o mohkamén zendá mabáhénét.

Elhám 3:11

Man zutt pédák án. Harché ke tará hast, mohresh bedár tánke kass tai tájá pach magipt.

Elhám 3:3

Gorhá tawbah kan o harché ke tará rasetag o taw eshkotag yátesh kan o mohresh bedár. Agan ágah nabutay, man dozzokáia káyán o taw hecch sarpada nabay ke man che wahdá pa taw káyán.