Pa Tesálunikián Pulosay awali kágad 2:18 - Hodáay Pákén Ketáb Balochi zobáná

¹⁸ Mane Pulosá báz randá johd kort o má lóthet ke shomay gwará byáén, bale Shaytáná may ráh o dar band kortant.

Pa Tesálunikián Pulosay awali kágad 2:18 Iomraidhean Croise

Mattá 4:10

Gorhá Issáyá gwasht: “Oo Shaytán! Cha mani démá gom bay! Pákén Ketábá nebisag butag: Wati Hodáwandén Hodáyá parastesh bekan o tahná hamáiay hezmatá bekan.”

Pulosay kágad pa Rumián 1:13

Oo brátán! Lóthán shomá bezánét báz randá wati delá shawron kortag shomay kerrá byáyán bale har randá yakk na yakk moshkeléá maná dáshtag. Mani wáhag at shomay nyámá bar o samaré bekatthán, hamá paymá ke cha á dega darkawmán katthetag.

Pulosay kágad pa Rumián 15:22

Paméshká báz randá mani dém dárag butag ke shomay kerrá átk makanán.

Pa Pilipián Pulosay kágad 4:16

Wahdé Tesálunikiá atán ham yakk o do randá shomá pa mani zaluratán komakk dém dát.

Pa Tesálunikián Pulosay domi kágad 3:17

Mane Pulos é salámán daste wat nebeshtah kanagá án o é chizz mani sajjahén kágadáni nesháni ent. Man hamé paymá nebeshtaha kanán.

Pa Pilimuná Pulosay kágad 1:9

bale mane Pulos ke pirmardé án o annun Issá Masihay háterá bandig án, mehray bonyádá gón taw dazbandié kanán.

Elhám 2:10

Cha áyókén ázárán mators. Bechár, Shaytán cha shomá lahténá pa shomay chakkásagá zendáná kant o taw tán dah róchá ázár dayaga bay. Tán markay sáhatá wapádár bay o man tará zenday tájá dayán.