Pa Tesálunikián Pulosay awali kágad 1:3 - Hodáay Pákén Ketáb Balochi zobáná

³ Má wati Hodáén Petay démá modám shomay báwarmandi kárán o pormehrén zahmatán o sagg o bardáshtá yáta kanén ke áyáni sarchammag hamá omét ent ke shomárá may Hodáwandén Issá Masihay sará hastent.

Pa Tesálunikián Pulosay awali kágad 1:3 Iomraidhean Croise

Pédáesh 29:20

Gorhá Ákubá pa Ráhilaygi tán hapt sálá kár kort, bale Ráhili anchó dóst at ke Ákubay delá é haptén sál purah lahtén róch atant.

Yuhanná 14:15

Agan shomá maná dósta dárét, gorhá mani hokmána mannét.

Yuhanná 15:10

Agan mani hokmáni sará kár bekanét, mani mehráni sáhegá mánét, anchosh ke man wati Petay hokmáni sará kár kortag o áiay mehráni sáhegá neshtagán.

Kásedáni Kár 10:31

gwashti: ‘Kornilius! Tai dwá o hayrát yátmánén sawgáté ke Hodáay bárgáhá yát kanaga bit.

Kásedáni Kár 3:19

Nun cha wati gonáhán pashómán bebét o tawbah bekanét o dém pa Hodáyá wátarr bekanét tánke shomay gonáh o mayár shódag bebant,

Pulosay kágad pa Rumián 12:12

Pa ométwári gal o shádehi bekanét, sakkiáni tahá sabr o ópár pésh bedárét o wati dwáyán mohr bóshtét.

Pulosay kágad pa Rumián 15:13

Ométay Hodá ke shomá áiay sará báwar kortag, shomay delá cha shádehi o sohl o árámiá porr kanát, tán gón Pákén Ruhay wák o zórá cha ométá sarréch bebét.

Pulosay kágad pa Rumián 15:4

Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit.

Pulosay kágad pa Rumián 16:26

bale nun páshk o paddar butag o gón abadmánén Hodáay hokm o parmáná cha nabiáni nebeshtánkán darkawmáni nyámá pajjárénag butag, tán sajjahén kawm báwar bekanant o bemannant.

Pulosay kágad pa Rumián 16:6

Maryamá ke pa shomaygi bázén zahmaté kasshetagi salám sar kanét.

Pulosay kágad pa Rumián 2:7

Hamá ke gón sabr o ópár, nékén káráni sará mohr óshtátagant o shawkat, ezzat o namirániay randá ant, áyán namiránén zenda bakshit.

Pa Galátián Pulosay kágad 1:4

Issá Masihá watá pa may gonáháni dur kanagá nadr kort ke may Hodáén Petay wáhagay barkatá márá cha annugén harábén zamánagá berakkénit.

Pa Galátián Pulosay kágad 5:13

Oo brátán! Shomá gwánk janag butagét ke ázát bebét, bale chó mabit ke é ázáti pa shomay gonahkárén tab o sareshtá móhé bebit. Eshiay badalá pa mehr yakdomiay hezmatá bekanét.

Pa Galátián Pulosay kágad 5:6

Chéá ke Issá Masihay ráhá sonnat bayag o nabayagay máná yakk ent, tahná hamá imáná máná hast ke cha mehray ráhá watá záhera kant.

Pa Galátián Pulosay kágad 6:9

Sharrén káray kanagá dam mabarén, chéá ke agan hemmatá dawr madayén, pa wahda ronén.

Pa Tesálunikián Pulosay awali kágad 3:6

Bale Timutáus nóki cha shomay kerrá wátarr butag o may kerrá átkag o shomay báwar o mehray bárawá wasshén hálé gón enti. Márá gwashti ke shomá modám márá pa sharri yáta kanét o shomárá pa may didárá zahira kant, anchosh ke márá pa shomá zahira kant.

Pa Tesálunikián Pulosay domi kágad 1:11

Paméshká má modám pa shomá dwá kanén ke shomay zendagi anchosh bebit ke Hodáay gwánká bekarzit. Hodá gón wati zór o wáká shomay nékén erádahán purah kanát o har káré ke shomay imán shomárá parmáit, áiá sarjam kanát.

Pa Tesálunikián Pulosay domi kágad 1:3

Oo brátán! Hakkén gapp esh ent ke má báyad ent modám pa shomá Hodáay shográ begerén, chéá ke shomay imán róch pa róch rodán ent o pa yakdomiá shomay sajjahénáni mehr ham gésh bayán ent.

Pa Timutáusá Pulosay awali kágad 1:14

Haw, may Hodáwanday rahmatán mani sará békesás gwart. Maná cha hamá imán o mehrá sarréchi kort ke cha Issá Masihay némagá rasant.

Pa Timutáusá Pulosay awali kágad 2:3

Hamé kár sharr ant o may neját dayókén Hodáyá dósta bant,

Petrosay Awal Kágad 3:4

Eshiay badalá, wati del o jabiná gón narm o árámén ruhéay páydárén zébáiá besingárét, ke pa Hodáyá é chizz báz porarzesh ent.

Yuhannáay Awali Kágad 3:18

Oo dordánagén chokkán! Byáét mehr kanén, bale na pa dap o habar, pa del o setk o gón kár o kerd.

Yuhannáay Awali Kágad 3:21

Oo dordánagán! Agan may del o jabin márá mayárbár makant, gorhá Hodáay gwará ásudag o deldhaddh én.

Yuhannáay Awali Kágad 3:3

Harkasá cha áiá choshén omété hast watá páka kant, anchosh ke á wat pák ent.

Yuhannáay Awali Kágad 5:3

Hodádósti hamesh ent ke Hodáay hokmán kár bebandén o áiay hokm gránén báré ham naent.

Elhám 2:19

Man tai kárána zánán, tai mehr o imán, hezmat o sabr o ópárá. Taw annun cha á kárán géshter kanagá ay ke bendátá kortagant.

Elhám 3:10

Taw mani hokm mannetag o sabr o ópár kortag, paméshká man ham tará cha dádrasiay sáhatá rakkénán ke pa zeminay sará neshtagénáni chakkásagá sajjahén donyáyá áyagi ent.