Zefaniah 2:1 - Hawaii Pidgin Bible

¹ You Judah guys dat no shame, Bring da whole nation togedda!

Zefaniah 2:1 Iomraidhean Croise

2 Records 20:4

Da Judah peopo come togedda fo tell Da One In Charge fo help dem. Dey come from ery town inside Judah fo tell Da One In Charge dey need help.

Nehemiah 8:1

An all da peopo come togedda inside da open place inside da Watta Gate. Ezra, he da pries guy dat stay teach da Rules From God. Dey tell him fo bring da book dat get da Rules from Moses. Dass da Rules dat Da One In Charge wen give da Israel peopo long time befo time.

Nehemiah 9:1

Octoba 31, da peopo meet one mo time. Dis time, dey no eat cuz dey like pray. Dey wear burmbag kine cloth fo show dey stay sad inside, an dey put dirt on top dea heads.

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Jeremiah 6:15

You tink dey come shame fo da pilau kine stuff dey do?! No way! Dey no mo shame! Dey no even know how fo ack jalike dey shame. Az why dey goin get kill same time da odda peopo get kill. Dey goin fall down wen I punish dem.” Az wat Da One In Charge tell.

Joel 1:14

Tell da peopo fo no eat, So dey can pray spesho kine to Da One In Charge. Call dem fo come togedda Spesho kine fo Da One In Charge. Call da older leadas An erybody dat live inside da land. Call dem fo come togedda to da Temple Fo Yoa God Da One In Charge, Fo dem yell to Da One In Charge fo help.

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Matthew 18:20

Cuz wea evas two o three guys come togedda cuz dey my guys, I stay right ova dea wit dem.”