Teacha 9:5 - Hawaii Pidgin Bible

⁵ Da peopo dat stay alive know dat dey goin mahke, But da mahke peopo donno notting. Dey no goin get notting back, An erybody goin foget dem.

Teacha 9:5 Iomraidhean Croise

2 Samuel 14:14

Fo shua, all us peopo gotta mahke, an dass jalike wen watta spill on top da groun an nobody scoop um up one mo time. But wen peopo throw out somebody, God no goin kill da guy fo dat. He make one plan fo no make um stay too far away, an he bring um back fo shua.

Job 14:21

If peopo show respeck fo da mahke peopo boys, da mahke peopo donno notting bout dat. If peopo tink da mahke peopo boys not importan, da mahke peopo donno notting bout dat too.

Job 30:23

I know you goin make me mahke, An go da place wea erybody dat stay alive gotta go.

Songs 109:15

Da bad kine tings His ancesta guys wen do, Da One In Charge, make shua You no foget dat, An make shua nobody inside dis world Rememba who dem.

Songs 6:5

You know, da mahke peopo no can tink bout you no moa. Inside da Mahke Peopo Place, no mo nobody tell good tings bout you.

Songs 88:13

But me, I stay yell fo you help me, Da One In Charge! Morning time, wat I pray fo Come in front you.

Teacha 1:11

Nobody rememba da peopo dat live long time befo time. An same ting fo da peopo dat goin come bumbye: Da peopo dat goin come afta dem, goin foget dem too.”

Teacha 2:16

No mo nobody goin rememba da guy dat know wat fo do erytime, An same ting fo da stupid guy. Bumbye, erybody goin foget da two a dem. Jalike da stupid guy an da guy dat know wat fo do erytime goin mahke too!

Teacha 7:2

Mo betta go visit one house wea da peopo make one funeral, Den visit one house wea dey make one party, Cuz erybody goin mahke bumbye. Good, da peopo dat stay alive tink serious kine bout dis.

Teacha 8:10

I see peopo bury bad kine guys but dey show respeck fo dem wen da guys mahke. Az was bad guys dat wen come an go from da place dat stay spesho fo God. An da peopo talk good bout da bad guys inside da big town wea dey wen do bad stuff. All dat no make sense too.

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Teacha 9:4

But anybody dat still yet stay alive still can trus God an wait. Even one dog dass alive stay mo betta den one mahke lion.

Isaiah 26:14

Now, all dose odda boss guys, mahke awready. Dey no goin come back alive no moa, Dea spirits no goin come back. Dass cuz you punish dem awready. You wen bus um up An wipe out eryting bout dem, So peopo no tink bout dem!

Isaiah 63:16

But you, you oua Faddah! Cuz no matta Abraham an Israel Dey donno notting bout us guys, You Da One In Charge, you oua Faddah! You da One wen do wat you gotta do Fo get us guys outa trouble from befo time. Cuz dass wat kine god you, An dass yoa name, Get Us Outa Trouble!

Luke 20:32

Den afta dat, da wahine mahke too.

Hebrews 9:27

Garans erybody ony mahke one time, an afta dat, dey gotta go in front God da Judge.