Teacha 9:2 - Hawaii Pidgin Bible

² Same ting goin happen to erybody—da peopo dat do wass right, an da peopo dat do wass wrong, da good guys an da bad guys, da ones dat can go in front Da One In Charge an da ones dat no can, da peopo dat make sacrifice, an da peopo dat no make sacrifice. Wateva happen fo da guy dat do good kine stuff, Same ting happen fo da guy dat do bad kine stuff. Wateva happen fo da guy dat make one strong promise, Same ting fo da guy dat stay sked fo make um.

Teacha 9:2 Iomraidhean Croise

Start 24:3

I like you make me one strong promise in front Da One In Charge, da God dat stay in charge a da sky an da whole world. Promise an swea to God dat you goin find one wahine fo my boy. But you gotta promise, no go find one Canaan kine wahine from dese peopo aroun hea wea I live.

Job 9:22

Eryting stay da same! Az why I tell, ‘God, he wipe out da peopo dat no mo blame, Same ting jalike he wipe out da guys dat do wass wrong.’

Songs 73:3

I wen see da peopo dat tink Dey no need lissen God, An I wen tink, “I like be jalike dem guys!” I wen see da peopo dat do bad tings, An eryting stay good fo dem. Dass wat wen throw me off.

Teacha 2:26

If somebody do stuff dat make God stay good inside, God goin make dem know wat fo do erytime, know plenny, an stay good inside. But fo da guy dat do bad kine stuff, God give um da job fo ony stack up plenny stuffs, fo dem give um to some odda guy dat make God stay good inside. Dis no make sense too. Dey ony stay chase da wind.

Teacha 3:19

Wat goin happen to da peopo an da animals, same ting! Jalike peopo mahke, da animals mahke. Dey all breave da same. Peopo not mo betta den da animals! All dat no mean notting. An no make sense!

Teacha 6:6

An even if da guy dat get eryting stay alive fo two tousan year, dat no mean he stay good inside bout his stuffs. Cuz wen dis guy an da bebe mahke, dey goin go da same place erybody go!

Teacha 7:18

Mo betta you hang in dea an do da right ting, An no do wass wrong. Da guy dat stay sked a God, He no goin try go too far.

Teacha 7:2

Mo betta go visit one house wea da peopo make one funeral, Den visit one house wea dey make one party, Cuz erybody goin mahke bumbye. Good, da peopo dat stay alive tink serious kine bout dis.

Teacha 9:11

I wen see anodda ting unda da sun too: Da mos fas guys no goin win da race erytime, An da mos strong guys no goin win da fight erytime. Da guys dat know wat fo do erytime, dey no mo food erytime, Da smart guys not rich erytime. Nobody show respeck erytime fo da guys dat know plenny. But dey all gotta chance um wen da right time come.

Teacha 9:3

Dis wat stay bad fo erybody unda da sun: Same ting happen fo erybody! Inside, peopo get fill up wit bad kine stuff, an dey ack stupid all da time dey alive. An afta dat, dey all mahke.

Jeremiah 43:6

An dey take away all da guys, da wahines, da kids an ol peopo, an da Judah king girls, dat Nebuzaradan, da main officer fo da Babylon king guard, wen leave wit Gedaliah, Ahikam boy an Shafan grankid, an Jeremiah da guy dat talk fo God, an Baruk, Neriah boy.

Malakai 3:15

So den, from now, us guys goin figga, ‘Da peopo dat ack jalike dey mo betta den all da odda peopo an no give a rip bout nobody, dey da ones dat stay good inside.’ Da peopo dat do wass wrong, dey da ones dat come rich! Even wen dey push God fo see if he goin punish dem, notting bad happen to dem!”

Malakai 3:18

Den you guys goin see jalike befo time, da peopo dat stay do wass right, dey stay diffren den da peopo dat stay do wass wrong, an da peopo dat work fo God stay diffren den da peopo dat no work fo God.”

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

1 Samuel 14:26

Wen dey go inside da fores, dey spock da honey stay coming out, but nobody like touch um an eat um cuz dey sked a da kapu.