Teacha 8:8 - Hawaii Pidgin Bible

⁸ No mo nobody get da powa fo stop da wind. No mo nobody get da powa fo figga wen dey goin mahke. Jalike da leadas no goin let nobody go home wen get war. Same ting, da bad kine stuff peopo do, No goin get um outa trouble.

Teacha 8:8 Iomraidhean Croise

2 Samuel 14:14

Fo shua, all us peopo gotta mahke, an dass jalike wen watta spill on top da groun an nobody scoop um up one mo time. But wen peopo throw out somebody, God no goin kill da guy fo dat. He make one plan fo no make um stay too far away, an he bring um back fo shua.

2 Kings 7:15

Dey go afta da Aram army guys all da way by da Jordan Riva. Dey see dat all ova da road, get da Aram guys clotheses an stuffs all ova da place dat da Aram guys wen throw way wen dey come sked an run away! So da messenja guys come back an tell da king.

Job 14:5

God, you make up yoa mind awready, How long us goin stay on top da earth. You figga how many month one guy get. You make up yoa mind how long, An us no can stay mo time den dat.

Job 34:14

If he make plan fo take back his Spirit an his breat,

Songs 89:48

No mo nobody can live An no mahke eva! No mo nobody can do someting Fo get outa da Mahke Peopo Place! (Time out fo da music.)

Songs 9:17

All da peopo dat do bad tings, I like dem go way to da Mahke Peopo Place, All da diffren peopos dat ack jalike God no matta!

Smart Guys 12:3

You no can come good If you go do bad kine stuff. If you do da right ting erytime, No way somebody can move you, Az jalike you one root stuck in da groun.

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Teacha 3:21

You tink da peopo spirit go up, an da animal spirit go down inside da earth, o wat?!

Teacha 8:13

But cuz da bad kine guys no stay sked a God, no mo notting goin go good fo dem. Dey no goin live long time, jalike dey one shadow.

Teacha 9:12

Nobody know wen dey goin mahke. Az jalike wen peopo trap fish in one net, O snag birds inside one trap. Hard times catch peopo, Wen dey figga notting bad goin happen!

Isaiah 28:15

You Jerusalem guys talk big! You guys tell, “Us guys wen make one deal fo us no mahke. We get promise fo no go da Mahke Peopo Place! Wen da army guys come hea, No matta dey go all ova jalike da big watta, Dey no goin come wea us guys stay. Cuz us guys know how fo bulai dem So dey no goin hurt us. We no goin tell um da trut, An dass how we goin stay outa trouble.”

Isaiah 28:18

Da deal you guys wen make fo no mahke, No goin be awready! Da promise somebody wen make to you guys Fo no go da Mahke Peopo Place, No goin work! Wen da army guys come thru dis place, No ways you guys even can stan up, Jalike wen da big watta come!

Isaiah 47:10

You Babylon guys, you stay shua Dat wen you guys do bad kine stuff You stay okay. Cuz you tell, ‘Nobody see me.’ You tink you know plenny stuff An know wat fo do erytime. Inside, you tell, ‘Me, da ony one! No mo nobody jalike me, ony me!’

1 Corint 15:43

Wen dey put da mahke body inside da groun, da body come wasted. But wen da guy come back alive, he goin come awesome! Wen dey put da body inside da groun, da guy no can do notting. But wen he come back alive, he goin be strong awready!

2 Corint 13:4

Christ neva have powa wen dey wen kill him on top da cross. But Christ get da powa fo live now. Dass jalike us guys. Us no mo powa wen we stay tight wit Christ. But us an you goin live wit Christ fo real kine cuz a da powa God give you guys.

Hebrews 9:27

Garans erybody ony mahke one time, an afta dat, dey gotta go in front God da Judge.