Teacha 8:16 - Hawaii Pidgin Bible

¹⁶ Wen I wen try fo undastan wat dat mean, fo know wat fo do erytime, an wen I try fo see da kine work peopo do in dis world—I no can sleep day time o nite time.

Teacha 8:16 Iomraidhean Croise

Start 31:40

Dis how was: I work day time wen too hot fo work, an nite time wen come real cold, an I no can sleep.

Songs 127:2

Ony wase time Wen you guys wake up real early An pau hana real late Fo bus ass fo get food. Cuz you know, God take kea Da peopo he get love an aloha fo, Even wen dey stay sleeping.

Teacha 1:13

I make up my mind fo study, an fo try see if da stuff work dat da peopo dat know wat fo do erytime tell. I do dis cuz I like figga out eryting peopo do unda da sky. God give erybody one real hard job fo do, az why!

Teacha 1:14

I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

Teacha 1:17

Den, I make up my mind fo undastan wat “fo know wat fo do erytime” mean, wat “fo ack pupule” mean, an wat “fo ack stupid kine” mean. But wen I find out wat all dat stuff mean, jalike I stay try fo catch da wind too.

Teacha 2:23

Ery day gotta work an suffa an stay sad inside, an even nite time my head get plenny stuff fo tink bout an no can res. Dis no make sense too.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Teacha 5:12

Wen one worka guy sleep, he stay good, No matta he grind ony litto bit o plenny. But wen one rich guy get plenny stuff, Dat no let him sleep good.

Teacha 7:25

So den I change my mind an try fo study stuff. I like learn mo, an find out wat fo do erytime, an figga out how come eryting happen. An I like know how come az stupid fo do bad kine stuff, An how come da stupid guys come pupule.

Teacha 8:7

Nobody know wat goin happen bumbye. Az why no mo nobody can tell anodda guy wass goin happen.

Teacha 8:9

I see all dis stuff, an I tink bout eryting peopo stay do unda da sun. Wen peopo boss aroun odda guys, dat hurt da boss guys too.