Teacha 5:16 - Hawaii Pidgin Bible

¹⁶ An dis one real bad ting Dat make you sick fo tink bout um: Cuz erybody come jalike dey go— Naked, wit notting! Wat dey goin get fo dat? Dey bus ass, but all dey goin get, jalike da wind.

Teacha 5:16 Iomraidhean Croise

Smart Guys 11:29

Whoeva make dea family suffa, Wen one a dem mahke, he no goin get notting. Wat he goin get is ony air. Da stupid head kine peopo wit attitude, Dey goin come slave guys fo da peopo Dat know wat fo do erytime.

Teacha 1:3

“From all da stuff anybody do, No matta dey stay bus ass in da sun. Wen pau, wat goin get from all dat?

Teacha 2:11

But wen I look eryting I get, from wat my hands stay do, An wat I work fo get, You know wat?! No make sense all dat—jalike I stay chase da wind! I no mo notting unda da sun dat goin las!

Teacha 3:9

So den, wat da worka guys goin get fo da work dey do? You tink dat goin stay long time, o wat?!

Teacha 5:13

I wen see someting real bad unda da sun, Somebody pile up plenny stuffs dey get ony fo dem, But dat ony hurt um bumbye.

Isaiah 26:18

Us guys, same ting. Jalike us stay born one bebe, Us move aroun plenny, but da ting we born, Az notting, jalike we born ony wind. We neva do notting Fo get nobody on top da earth outa trouble, We neva born plenny peopo fo fill up da land.

Jeremiah 2:8

Da pries guys neva aks, ‘Wea Da One In Charge stay?’ Da guys dat suppose to know da Rules fo shua, Dey donno me fo real kine. Da guys dat suppose to take kea da peopo, Dey like beef wit me. Da guys dat suppose to talk fo me, Dey talk fo da god Baal. Dey stay tight wit da idol kine gods Dass good fo notting.”

Hosea 8:7

“Az jalike da Israel guys plant da wind, An harves da whirlwind! Da wheat stalk no mo wheat berry, An no can make flour. An if some wheat plant get wheat berries, Fo shua, goin get guys from anodda place goin eat um!

Mark 8:36

Poho dis: one guy get eryting inside dis world, but da guy end up cut off from God foeva, an no mo da real kine life inside.

John 6:27

No go work ony fo da kine food dat bumbye come no good. Work fo da kine food dat las long time an make you guys live to da max foeva! I da Fo Real Kine Guy, an I give you guys dat kine life, cuz God da Faddah give me da right fo do dat.”

1 Corint 16:16

I like tell you guys fo lissen dat kine peopo an do wat dey tell you fo do. Dass erybody dat work hard togedda lidat.

1 Samuel 12:21

Mo betta hang in dea wit Da One In Charge. No go wit da idol kine gods cuz dey no mo notting inside! Dey no can do notting good fo you guys. Dey no can get you guys outa trouble cuz dey notting.