Teacha 2:9 - Hawaii Pidgin Bible

⁹ Fo shua I come mo importan den anybody befo me inside Jerusalem. All dat time I wen know wat fo do erytime.

Teacha 2:9 Iomraidhean Croise

1 Kings 10:23

King Solomon was da numba one king in da world. He rich, an get mo plenny stuffs den all da odda king guys, an he know wat fo do mo betta den all da odda king guys.

1 Kings 10:7

But till I come hea an see um, I neva know dat all da tings I wen hear stay fo real kine. An I neva hear even half da stuff I see now. Da way you know wat fo do erytime, an all da stuffs you get, mo plenny den wat I wen hear!

1 Kings 3:12

Cuz you aks me fo do dat, I goin do jalike you tell. I goin help you an give you da kine heart fo know wat fo do erytime, an fo know wass good an wass bad. No mo nobody befo you dat know wat fo do erytime jalike you, an no goin get nobody afta you too, dat can make jalike you.

1 Records 29:25

Da One In Charge make Solomon come real importan da way all da Israel peopo see um. Da One In Charge give him awesome rights fo lead da peopo, mo den da odda Israel kings befo him.

2 Records 1:1

Solomon, David boy, come strong fo stay da king in charge a da Israel peopo, cuz his God, Da One In Charge, stay wit him, an make him come real importan.

Teacha 1:16

I wen figga lidis, “Eh! From small kid time, I wen learn wat fo do erytime, mo den any odda king dat wen stay in charge inside Jerusalem befo me. I know plenny stuff, an I know plenny bout wat fo do erytime.”

Teacha 5:11

Wen get mo an mo stuffs, Get mo an mo peopo fo use um up. Dey no help da guy dat own da stuffs, Cuz he ony can look wat he get.