Teacha 2:4 - Hawaii Pidgin Bible

⁴ Den I wen do big projecks fo see wat happen. I build big houses fo me. I plant grape farms fo me.

Teacha 2:4 Iomraidhean Croise

Start 11:4

Den dey tell: “Eh! You know wat? Us go build one big town fo all us guys. Us make one big towa dea fo go up inside da sky wea God stay! If we do dat, den us goin get one big name, an all us guys goin stay hea togedda. We no need move house all ova da place no moa.”

2 Samuel 18:18

Befo time, wen Absalom still yet stay alive, he put up one big pos inside King Valley fo da peopo no foget him. Cuz he tink, “I no mo one boy dat can come king an make erybody no foget me.” Az why he name da pos fo him, an da peopo call um da Absalom Monument till today.

1 Kings 15:19

“Yoa faddah an my faddah wen make one deal fo help each odda. So now, az good me an you make da same kine deal. Look—I stay sen you one present, silva an gold. I like fo you go broke da deal you get wit Baasha, da king fo da Israel peopo, so he no fight wit me.”

1 Kings 9:1

An dass how was, wen Solomon guys pau build da Temple Fo Da One In Charge, an da palace, an wen make happen all da odda stuff he like do.

1 Records 27:27

Shimei from Ramat stay in charge a da grape fields. Zabdi from Shefam stay in charge a da places inside da grape fields wea dey keep da wine.

2 Records 26:10

An he build strong towas inside da boonies, an dig plenny storage holes fo keep watta unda da groun, cuz he get plenny animals inside da low hills west side Jerusalem, an da flat land. He get farma guys fo work inside his fields. He get odda guys dat know how fo work da grape fields, on top da mountains an da places wea get da kine dirt az good fo grow stuff. He one guy dat fo real kine like grow stuff.

2 Records 8:11

Solomon bring Pharaoh girl up from David town fo live inside da palace he wen build fo her, cuz he tell, “My wife no goin live inside da palace fo David, da Israel king, cuz eryting aroun dea stay spesho fo Da One In Charge, cuz da Box Fo Da One In Charge wen come dea befo time.”

Songs 49:11

Dey wen put dea names On top da land dey own, Fo odda peopo know dass dea land, Dea grave goin be Da ony home dey get!

Love Song 1:14

Fo me, da one dat love me, He jalike one bunch henna flowas From da grape farms En-Gedi side.

Love Song 7:12

Den us goin get up early an go da grape fields Fo go look if da plants get flowa, An if da flowas stay bloom, An if da pomagram tree get flowa, Den ova dea I goin make love to you.

Isaiah 5:1

I like sing one song fo da one I get love an aloha fo. I goin sing one song bout his grape field On top one hill dat get good groun.

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”