Teacha 2:16 - Hawaii Pidgin Bible

¹⁶ No mo nobody goin rememba da guy dat know wat fo do erytime, An same ting fo da stupid guy. Bumbye, erybody goin foget da two a dem. Jalike da stupid guy an da guy dat know wat fo do erytime goin mahke too!

Teacha 2:16 Iomraidhean Croise

2 Samuel 3:33

Da king sing dis sad song fo Abner: “Abner wen mahke jalike one criminal. No good, him mahke lidat!

Songs 103:16

An den da wind blow litto bit, An no mo da flowa. An even da place Wea da flowa wen grow, Nobody rememba.

Songs 49:10

Even da peopo dat know Wat fo do erytime, Dey mahke, Same ting da peopo dat tink dey get um, But dey no get um, An jalike da stupid peopo too— All dem disappea. Dey leave all dea stuffs Fo odda peopo dat come afta.

Songs 88:12

How da ones dat stay Inside da dark place Goin know da awesome tings you do?! No way! Inside dat place, you foget awready Bout all da peopo dea! How dey goin know dat you erytime Judge peopo da right way?! No can!

Outa Egypt 1:6

Laytas, Joseph mahke, an all his braddah guys too, an all da peopo from dat time.

Outa Egypt 1:8

Long time afta, had one new king dat take ova da Egypt peopo. Dat king, he neva know notting bout Joseph an wat he wen do.

Smart Guys 14:8

Da peopo dat tink strait, Da smart stuff dey do is, Dey tink firs bout wat dey stay do. Da stupid head kine peopo wit attitude, Dey tink dey know wat fo do, But dey bulai ony dem.

Teacha 1:11

Nobody rememba da peopo dat live long time befo time. An same ting fo da peopo dat goin come bumbye: Da peopo dat goin come afta dem, goin foget dem too.”

Teacha 2:14

Da guy dat know wat fo do erytime Get eyes dat see stuff. But da stupid guy, jalike he walk in da dark. But I tink dis too: Dat da two a dem goin come out same same!

Teacha 2:15

Den I tink lidis: “Me an da stupid guy goin come out same same! Den wat good I goin get outa dat, dat goin las long time, Jus cuz I know wat fo do erytime?” Den I tell, “Dis no make sense too.”

Teacha 6:8

One guy dat know wat fo do erytime Not mo betta den one stupid guy! If one guy dat no mo notting know how fo ack in front odda peopo, How dat goin help him?

Teacha 7:2

Mo betta go visit one house wea da peopo make one funeral, Den visit one house wea dey make one party, Cuz erybody goin mahke bumbye. Good, da peopo dat stay alive tink serious kine bout dis.

Teacha 8:10

I see peopo bury bad kine guys but dey show respeck fo dem wen da guys mahke. Az was bad guys dat wen come an go from da place dat stay spesho fo God. An da peopo talk good bout da bad guys inside da big town wea dey wen do bad stuff. All dat no make sense too.

Teacha 9:15

Inside dat town, had one guy dat no mo notting, but he know wat fo do erytime. Az how he get da town outa trouble cuz he know wat fo do. But no mo nobody rememba dat guy dat no mo notting.

Teacha 9:5

Da peopo dat stay alive know dat dey goin mahke, But da mahke peopo donno notting. Dey no goin get notting back, An erybody goin foget dem.

Malakai 3:16

But den, get da odda peopo dat stay feel jalike dey real sked wen dey in front Da One In Charge. All dem talk wit odda guys dat tink da same ting jalike dem. Da One In Charge, he lissen plenny an hear wat dose guys tell. He write down eryting on top one paypa dat stay in front him, fo no foget wat da peopo tell. Da One In Charge do all dat fo da ones dat stay feel jalike dey real sked in front him, an dat tink plenny bout wat kine god he stay.

Hebrews 9:27

Garans erybody ony mahke one time, an afta dat, dey gotta go in front God da Judge.