Teacha 2:1 - Hawaii Pidgin Bible

¹ I wen tink lidis: “Now, I goin try tes dis! I goin see wat make me feel good inside. I goin ony try fo feel good inside.” But I ony find out, dat no make sense too.

Teacha 2:1 Iomraidhean Croise

Start 11:7

So! I goin go down dea by dem an jam up dea language. Den no goin get nobody dat undastan each odda.”

2 Kings 5:5

Da Aram king tell, “Shoots, you gotta go. I goin give you one letta fo da Israel king.” So Naaman go, an take 750 poun silva, 150 poun gold, an fancy kine clotheses fo ten peopo.

Songs 10:6

Dem buggahs, dey tink in dea head, “Me, I stay solid, Notting goin throw me off! Me, I not goin get trouble, Me, an all my ohana, foevas!”

Songs 14:1

Da stupid peopo, dey tink “No mo God!” Dat kine peopo, dey jam up stuff. Pilau wat dey do! No mo even one a dem dat do good kine stuff!

Songs 27:8

Fo real kine, I like come close to you. Eh! You Da One In Charge! Dass wat I like fo do, Go in front you.

Smart Guys 14:13

Sometime, peopo laugh even wen dey feel sore inside. Wen pau party, dey still yet feel sore inside.

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Teacha 2:10

I neva hold back fo get someting I like get. I neva hold back fo get good fun. I stay good inside from all da work I do! Dass da pay I get fo all my work!

Teacha 2:15

Den I tink lidis: “Me an da stupid guy goin come out same same! Den wat good I goin get outa dat, dat goin las long time, Jus cuz I know wat fo do erytime?” Den I tell, “Dis no make sense too.”

Teacha 2:25

Cuz no mo nobody eat o stay good inside if God no help um.

Teacha 7:4

Da peopo dat know wat fo do erytime like go da place wea peopo stay sad inside. But da stupid guys like go da place wea peopo ony like get good fun.

Teacha 8:15

But me, I figga, az good fo erybody feel good inside. Cuz no mo notting mo betta den one guy unda da sun eat, drink, an stay good inside. No matta he work all da days God give um fo stay alive unda da sun, he goin stay good inside.

Isaiah 5:5

“Now, I goin tell you guys Wat I goin do wit my grape field! I goin take away da hedge from aroun um, Fo da cows come inside an eat wat stay dea. I goin broke down da wall aroun um Fo odda guys go inside an bus um up.

Isaiah 50:11

But, all you odda guys dat make fire An put arrows dat burn inside yoa arrow bag, Go walk in da light from da fire you guys wen make An da burning arrows you wen light. Da ony ting you guys goin get from me, Goin be dis: Bumbye wen you guys lay down, You goin suffa plenny!

Isaiah 50:5

Da One In Charge a me open my ear fo me lissen good. Me, I no go agains him, An I no turn aroun an go da wrong way.

Luke 12:19

Den I goin tell, “Eh, fo shua I one lucky guy! I get plenny good stuffs store up fo long time. Az why I can take it easy, an eat an drink an party up!” ’

Luke 16:19

Jesus tell, “One time had one rich guy dat wear da rich kine clotheses an he live jalike one king.

Luke 16:23

Inside Hell da rich guy suffa plenny, an he look up. He spock Abraham far away wit God, wit Lazarus by his side.

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.

James 4:13

Wassamatta you guys! You talk big lidis: “We go dis place today, o tomorra we go da odda place. We goin stay ova dea one year, an buy an sell tings, an make plenny money.”

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.

James 5:5

You guys party up all da time hea inside dis world, an you guys tink you gotta get ony da bestes kine stuffs fo you. You guys jalike da cows. You stay eat all day an come all fat, fo da time dey goin bring you guys to da slaughterhouse!