Teacha 12:5 - Hawaii Pidgin Bible

⁵ No foget da One dat wen make you, Wen peopo come sked a high places, An stay sked wat can happen on top da streets. An wen da almond tree get flowa, An da grasshoppa move slow, An no mo powa fo sex, Cuz dass da time peopo go da place wea dey goin stay foeva. An da peopo dat stay sad inside fo dem go aroun to dea funeral.

Teacha 12:5 Iomraidhean Croise

Start 42:38

But Jacob tell um, “No way. My boy no goin go wit you guys. His braddah, mahke awready. He da ony one dat stay from Rachel. If someting bad happen to him ova dea, fo shua you guys goin make me come real plenny sore inside, an you goin make my gray hair go down da Mahke Peopo Place!”

Start 44:29

An now, you guys like take away dis odda boy from me too, o wat?! Fo shua, if someting bad happen to him an he mahke too, dat goin be real bad, an you guys goin make me come real sore inside, fo me go wit all my gray hair to da Mahke Peopo Place.’

Start 44:31

If he see dat da boy not wit us, he goin mahke, an us guys dat yoa slave guys goin be da guys dat goin make oua faddah presha out an come sore inside lidat, an he goin go wit all his gray hair to da Mahke Peopo Place.

Job 15:10

Da gray hair guys an da real ol guys, dey tink jalike us guys, An dose guys stay even mo ol den yoa faddah.

Job 17:13

If I ony wait fo make da Mahke Peopo Place my home, If I gotta put my bed wea ony dark,

Job 30:23

I know you goin make me mahke, An go da place wea erybody dat stay alive gotta go.

Songs 71:18

No matta I ol awready an get gray hair, God, no dump me, Till I pau tell da kids How strong you stay, An tell all da ones Dat goin born afta dem, Da kine powa you get.

Smart Guys 16:31

Gray hair, az jalike one nice haku lei fo da head Fo da ol peopo, fo show how awesome dem. Fo get um, Az good you do wass right erytime!

Smart Guys 20:29

How come erybody like young peopo? Cuz dey strong, az why. An how come erybody tink Ol peopo wit gray hair awesome? Cuz dey know how fo live, az why.

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Isaiah 46:4

Even wen you guys come ol an get gray hair, I still Da One In Charge. I still goin help you guys. I wen make you guys An I goin carry you guys. I goin get you guys outa trouble.

Jeremiah 1:11

I get anodda message from Da One In Charge. He tell, “Jeremiah, wat you see?” I tell, “I see one branch from one almond tree.”

Jeremiah 9:16

I goin let plenny diffren peopos make da Israel peopo prisonas—da kine peopos dey donno. Da Israel peopo ancestas, dey neva know bout um befo time too. I goin sen peopo fo chase um wit swords till I wipe dem out.’ ”

Prieses 19:32

“Stan up wen ol peopo come nea you, an show respeck fo dem. Show respeck fo me, yoa God. Me, Da One In Charge.

Hebrews 9:27

Garans erybody ony mahke one time, an afta dat, dey gotta go in front God da Judge.