Teacha 10:5 - Hawaii Pidgin Bible

⁵ Get one bad kine ting dat I see unda da sun. Da guys dat stay in charge sometimes do wrong kine tings, But dey donno was wrong.

Teacha 10:5 Iomraidhean Croise

Smart Guys 19:10

No good fo one stupid guy Dat tink he no need learn notting, Get real plenny nice kine stuffs! Stay mo worse, Wen one slave guy Stay tell all da leada guys how dey gotta make!

Smart Guys 28:12

Wen eryting come out good Fo da peopo dat stay do wass right, Erybody tink, “Eh, dass awesome!” But wen da bad kine peopo stay in charge, Da peopo go hide.

Teacha 10:4

If one leada guy come huhu wit you, No good you bag from yoa kuleana. No quit! One cool head can cool down da odda guy, Even wen dey jam up big time.

Teacha 10:6

Dey give da stupid kine guys plenny importan jobs. Same time dey put da importan guys in da junk kine jobs.

Teacha 3:16

An I see anodda ting unda da sun. Get judge guys dat tell wat stay right an wat stay wrong, Even dea, get bad kine stuff dat happen! Get peopo dat stay do wass right, Even dea, get bad kine stuff dat happen!

Teacha 4:1

I look one mo time, an I see all da presha dat some peopo put on top odda peopo unda da sun. I see peopo cry, da ones get presha on top dem. No mo nobody fo help dem come so notting bodda dem. Da guys dat put presha on top dem get plenny powa. No mo nobody fo help dem come so notting bodda dem.

Teacha 4:7

One mo time I see someting unda da sun dat no make sense.

Teacha 5:13

I wen see someting real bad unda da sun, Somebody pile up plenny stuffs dey get ony fo dem, But dat ony hurt um bumbye.

Teacha 6:1

I see anodda bad kine ting unda da sun dat put plenny presha on peopo.

Teacha 9:3

Dis wat stay bad fo erybody unda da sun: Same ting happen fo erybody! Inside, peopo get fill up wit bad kine stuff, an dey ack stupid all da time dey alive. An afta dat, dey all mahke.