Teacha 1:9 - Hawaii Pidgin Bible

⁹ Wateva happen, goin happen one mo time. Wateva somebody do, somebody goin do um one mo time. No mo notting new unda da sun!

Teacha 1:9 Iomraidhean Croise

Teacha 1:10

Peopo tell, ‘Look! I get someting new fo tell!’ No ways! Da ting was hea awready, From long time befo time. Was hea even befo us guys born.

Teacha 2:12

Den I change my mind. I start fo tink bout wat “fo know wat fo do erytime,” mean, wat “fo ack pupule” mean, an wat “fo ack stupid kine” mean. You tink da nex king can do someting Dat dis king neva do awready?! No ways!

Teacha 3:15

Wateva stay, awready wen stay. Wateva goin stay, awready wen stay befo time. An God make happen tings dat wen happen befo time, ova an ova.

Teacha 6:10

Wateva get, awready get one name, An erybody know how peopo stay. An nobody can make argue Wit somebody dat argue mo betta den dem.

Teacha 7:10

No go tell, “How come eryting wen stay mo betta befo time den now?” If you tell dat, ony show you donno wat fo do erytime.

Isaiah 43:19

Look! I stay do someting new! Stay happen awready! You no see um, o wat?! I stay make one road inside da boonies, An I stay put streams wea nobody stay!

Jeremiah 31:22

How long you guys goin wait An donno wea you stay going Befo you make up yoa mind?! You Israel guys jalike da daughtah dat I love, Dat befo time, wen ack Jalike one wahine dat no stay tight wit her husban. Az how me, Da One In Charge, goin do one new ting on top da earth fo change eryting— Jalike if da wahines wen take kea da guys.”

2 Peter 2:1

Befo time had some Israel peopo dat bulai. Dey wen tell dey talk fo God, but az was ony bulai. Same ting goin happen wit you guys. Goin get peopo dat tell dey teach fo God, but dey bulai! Dey goin be sneaky buggahs an dey no goin tell nobody wat dey stay do fo real. Dass how dey goin bring dea kine teaching. An if you guys lissen dem, you goin come wipe out fo shua! Dey even goin tell dat dey no need lissen to God, dea owna! Neva mind he wen pay one high price fo dem. Cuz da way dey ack, dey goin come wipe out real fas!

Jesus Show 21:1

Den, jalike one dream, I see one new kine earth an one new kine sky. Cuz da firs earth an da firs sky pau, an no mo ocean.

Jesus Show 21:5

Da One dat sit on top da throne tell, “I stay make eryting all new.” Den he tell, “Write dis down, cuz wat I tell, dis true, an you can trus um.”