Teacha 1:2 - Hawaii Pidgin Bible

² Da Teacha tell, “No make sense! No make sense! Fo shua eryting no make sense! No mo notting make sense!

Teacha 1:2 Iomraidhean Croise

Job 11:12

But one guy dat no mo brain no can start fo undastan stuff. Jalike one wild donkey bebe no can be one guy wen he born.

Songs 144:4

Us peopo ony stay hea short time, Jalike one breat us guys breave, O jalike us one shadow Dat pass by fas.

Songs 89:47

Try tink bout me. Real short, da time I get fo live! You tink ony wase time You wen make peopo, o wat?!

Teacha 11:10

So den, throw out da worries inside you. No let pain in yoa body jam you up. Cuz wen you stay young an get black hair, all dat still no make sense!

Teacha 11:8

No matta how long one guy stay alive, Good fo him stay good ery year. But good fo him no foget da dark days too Cuz goin get plenny dark days. Eryting dat goin happen, no make sense!

Teacha 12:8

Da Teacha tell, “No make sense! No mo notting make sense!”

Teacha 2:11

But wen I look eryting I get, from wat my hands stay do, An wat I work fo get, You know wat?! No make sense all dat—jalike I stay chase da wind! I no mo notting unda da sun dat goin las!

Teacha 2:15

Den I tink lidis: “Me an da stupid guy goin come out same same! Den wat good I goin get outa dat, dat goin las long time, Jus cuz I know wat fo do erytime?” Den I tell, “Dis no make sense too.”

Teacha 2:17

Az why I tink, “Poho, dis life!” Cuz da stuff peopo do unda da sun, bodda me plenny! No mo notting make sense. Jalike us chase da wind!

Teacha 2:19

An who goin know if dat guy know wat fo do erytime, o if he one stupid kine guy? All dis no matta fo shua cuz da guy goin stay in charge a all da tings dat I work real hard fo, an all da tings I learn how fo do unda da sun.” Dis no make sense too.

Teacha 2:21

Cuz if somebody do dea work an know wat fo do erytime, an know plenny, an know how fo do stuff real good, den dey gotta leave all da stuff dey own fo somebody dat neva work fo get um. Dis no make sense too. An come out bad too.

Teacha 2:23

Ery day gotta work an suffa an stay sad inside, an even nite time my head get plenny stuff fo tink bout an no can res. Dis no make sense too.

Teacha 2:26

If somebody do stuff dat make God stay good inside, God goin make dem know wat fo do erytime, know plenny, an stay good inside. But fo da guy dat do bad kine stuff, God give um da job fo ony stack up plenny stuffs, fo dem give um to some odda guy dat make God stay good inside. Dis no make sense too. Dey ony stay chase da wind.

Teacha 2:8

I pile up plenny silva an gold stuffs fo me, an I get da rich kine stuffs from odda kings an odda districks. I get guys an wahines fo sing, an plenny wahines fo come my odda wifes—enuff fo make one guy feel real good inside.

Teacha 3:19

Wat goin happen to da peopo an da animals, same ting! Jalike peopo mahke, da animals mahke. Dey all breave da same. Peopo not mo betta den da animals! All dat no mean notting. An no make sense!

Teacha 4:16

An no can count da odda peopo dat come befo o afta da young guy, dat no tink he do one good job. All dat no make sense too. Dey chase da wind.

Teacha 4:4

An I stay tink bout all da hard work an eryting dat peopo stay do. An how come dey do um? Fo shua, cuz one guy tink he do someting mo betta den some odda guy do um. Dat no make sense too. Dey chase afta da wind.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Teacha 5:10

Whoeva get plenny love fo money, no goin get enuff money! Whoeva like rich kine stuff, no matta how much dey get, no goin make dem stay good inside! An all dat stuff no make sense too.

Teacha 6:11

Cuz if you argue plenny, No goin make sense. Wat good dat goin do?!

Rome 8:20

All da tings God wen make goin come hamajang an stay lidat. Not suppose to be lidat, but God let um be lidat cuz bumbye he goin make all dat stuff come good one mo time.