Teacha 1:11 - Hawaii Pidgin Bible

¹¹ Nobody rememba da peopo dat live long time befo time. An same ting fo da peopo dat goin come bumbye: Da peopo dat goin come afta dem, goin foget dem too.”

Teacha 1:11 Iomraidhean Croise

Songs 9:6

Dass why, da peopo dat stay agains me, Dey all come wipe out. Dea place fo live, gone awready, An no goin come back. You bus up dea towns, An nobody even rememba dea name.

Teacha 1:10

Peopo tell, ‘Look! I get someting new fo tell!’ No ways! Da ting was hea awready, From long time befo time. Was hea even befo us guys born.

Teacha 2:16

No mo nobody goin rememba da guy dat know wat fo do erytime, An same ting fo da stupid guy. Bumbye, erybody goin foget da two a dem. Jalike da stupid guy an da guy dat know wat fo do erytime goin mahke too!

Teacha 8:10

I see peopo bury bad kine guys but dey show respeck fo dem wen da guys mahke. Az was bad guys dat wen come an go from da place dat stay spesho fo God. An da peopo talk good bout da bad guys inside da big town wea dey wen do bad stuff. All dat no make sense too.

Teacha 9:5

Da peopo dat stay alive know dat dey goin mahke, But da mahke peopo donno notting. Dey no goin get notting back, An erybody goin foget dem.

Isaiah 42:9

All da stuff from befo time, happen awready. Now, goin get new kine stuff, An I da One tell bout um. Befo watevas start fo happen, I let you guys hear bout um. Jalike da seed stay inside da groun awready Befo da plant start fo grow.”