Start 5:5 - Hawaii Pidgin Bible

⁵ Adam live 930 year, den he mahke.

Start 5:5 Iomraidhean Croise

Start 3:19

You gotta bus ass an sweat Fo get enuff food outa da groun, An afta, you goin go back to da dirt Cuz I wen make you outa da dirt. You come from dirt, An you goin come dirt one mo time.”

Start 5:11

Enosh live 905 year, den he mahke.

Start 5:4

An afta Seth wen born, Adam live 800 year moa, an he get odda kids too, boys an girls.

Start 5:6

Seth, afta he live 105 year, he get one boy Enosh.

Start 5:8

Seth live 912 year, den he mahke.

2 Samuel 14:14

Fo shua, all us peopo gotta mahke, an dass jalike wen watta spill on top da groun an nobody scoop um up one mo time. But wen peopo throw out somebody, God no goin kill da guy fo dat. He make one plan fo no make um stay too far away, an he bring um back fo shua.

1 Records 1:1

Dese da records a da firs guys: Adam, Set, Enosh,

Job 30:23

I know you goin make me mahke, An go da place wea erybody dat stay alive gotta go.

Songs 89:48

No mo nobody can live An no mahke eva! No mo nobody can do someting Fo get outa da Mahke Peopo Place! (Time out fo da music.)

Songs 90:10

Da time us get fo live, ony seventy year, Maybe eighty, if we strong. But no matta how long us guys live, Da bestes year, Still make us guys come real tired An give us plenny humbug. Cuz da year pass real fas, Jalike we fly away.

Teacha 12:5

No foget da One dat wen make you, Wen peopo come sked a high places, An stay sked wat can happen on top da streets. An wen da almond tree get flowa, An da grasshoppa move slow, An no mo powa fo sex, Cuz dass da time peopo go da place wea dey goin stay foeva. An da peopo dat stay sad inside fo dem go aroun to dea funeral.

Teacha 12:7

O oua body go back inside da dirt wea we come from, An oua spirit go back by God dat give um to us.

Teacha 9:5

Da peopo dat stay alive know dat dey goin mahke, But da mahke peopo donno notting. Dey no goin get notting back, An erybody goin foget dem.

Teacha 9:8

Erytime, wear nice clotheses, an no hold back fo put olive oil on top yoa head.

Ezekiel 18:4

Cuz erybody dat stay alive, dey mines, da faddah-muddah guys an dea kids too. You do bad kine stuff, you goin get cut off from me!

Rules Secon Time 30:20

Den you guys goin get love an aloha fo yoa God, Da One In Charge, an lissen him, an stay tight wit him. Cuz Da One In Charge, he da One make you live fo real kine. An he da One let you guys stay long time on top da land he wen make one strong promise fo give to yoa ancesta guys, Abraham, Isaac, an Jacob.”

Hebrews 9:27

Garans erybody ony mahke one time, an afta dat, dey gotta go in front God da Judge.