Start 32:4 - Hawaii Pidgin Bible

⁴ Jacob tell um dis: “I like you tell my boss Esau, ‘Aloha from Jacob yoa slave. Jacob like tell you dis: “I live Laban house till now.

Start 32:4 Iomraidhean Croise

Start 23:6

“We know dat God wen make you one importan guy hea wit us guys, jalike you da boss fo us. We like you go take da bestes place dat us guys get fo bury yoa mahke wife. No mo nobody from all us guys goin tell you, you no can use one place fo bury yoa wife.”

Start 25:30

Esau tell Jacob, “Eh braddah, give me some a dat red stuff fo grind, cuz I real hungry.” (Dass how come dey give Esau da nickname Edom, dat mean “red.”)

Start 27:29

Plenny odda peopos goin work fo you, Odda nations goin go down in front you fo show respeck. Go come da boss fo all yoa braddah guys. Da odda boys yoa muddah wen born goin go down in front you fo show respeck. Da ones dat tell dey like bad tings happen to you, God goin make bad tings happen fo dem! Da ones dat tell dey like good tings happen fo you, God goin make good tings happen to dem!”

Start 27:37

Isaac tell Esau, “Ho! Hard, you know. I wen make him da boss fo you. I awready give him all his braddah guys fo work fo him, an I give him plenny wheat an wine fo make him strong. So now fo you, no mo anodda ting fo me tell God fo give you, cuz I give eryting to him, my boy!”

Start 31:41

Yeah, dass wat happen to me, da twenny year I stay wit you. I wen work fourteen year fo marry yoa two daughtahs, plus six year fo pay you fo da sheeps an goats. An den, you change my pay plenny times.

Start 32:18

Den you tell my braddah dis: ‘All dis animals, az from Jacob, yoa slave guy. He stay sen um az one present fo show respeck fo my boss Esau. Jacob, he goin come bumbye.’ ”

Start 32:5

An now, I get plenny cows, donkeys, sheeps, an goats, plus slave guys an wahines dat work fo me. I sen dese messenja guys to you cuz you my boss, fo tell you I stay come an fo you make us feel good.” ’ ”

Start 33:14

You da boss an I da slave guy, so go firs, an I come afta, easy kine, how da animals an da kids walk. Dass how I goin go by you, my boss, Seir side.”

Start 33:8

Esau tell Jacob, “All da bunch animals I wen meet awready, dass yoas ones too, o wat?” Jacob tell um, “Yeah. I wen sen dem by you fo one present, fo you make good to me cuz you da boss.”

Start 36:8

Dass how come Esau go live up country Seir side. (Esau, he get da odda name Edom.)

Start 36:9

So, dis da Esau ohana story. Esau, he da ancesta guy fo da Edom peopo, dat live up country Seir side.

Start 4:7

If you do wass good, Den you can stay good inside. But if you no do wass good, Den jalike da bad kine stuff Stay wait right dea Fo take ova you. Jalike one wild animal Stay wait by da door fo kill you. But you gotta take charge An no let da bad kine stuff take ova you!”

1 Kings 20:32

Den Ben-Hadad guys put burmbag kine cloth aroun dea wais an ropes on top dea head. Dey go by da Israel king an tell, “Ben-Hadad tell, now you da boss. He tell, ‘Let me live!’ ” Den da Israel king tell, “So! He neva mahke! He my braddah!”

Outa Egypt 32:22

Aaron tell, “Moses, you da boss. No get mad bout dis. You know dis peopo, dey like do bad kine stuff.

Smart Guys 15:1

Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Smart Guys 25:15

If you hang in dea long time, An no come huhu, You can make da leada guys tink Da same way you tink. If you talk nice to dem, Even da hard head guys goin lissen.

Smart Guys 6:3

So my boy, dis wat you gotta do, Cuz now, dis odda guy get powa ova you, you know! Go in front him an make jalike you notting. Try make him let you go from da deal. No stop till he let you go.

Teacha 10:4

If one leada guy come huhu wit you, No good you bag from yoa kuleana. No quit! One cool head can cool down da odda guy, Even wen dey jam up big time.

Isaiah 21:11

Get heavy kine stuff fo tell bout Dumah, Da Edom land, wea nobody stay awready. Somebody stay yell to me From da Seir Range, Edom side: “You dat stay watch ova dea, How much time lef dis nite? Wen da dark no goin be no moa?”

Luke 14:11

Cuz whoeva make jalike he importan, no goin be importan, an whoeva make jalike he not importan, goin be importan.”

1 Peter 3:6

Jalike Sarah, she wen do eryting Abraham tell her fo do an she tell dat he stay in charge. You wahines jalike her, cuz you stay do good kine stuff, an you no need worry bout notting.

Local Leadas 5:4

“Da One In Charge, wen you go out from da Seir Range, Wen you march outa da Edom land, Da earth shake, da sky pour down watta. Da clouds make rain.

1 Samuel 26:17

Saul wake up, an he know from da voice, az David! He tell, “David my boy, az you stay yelling?!” David tell, “Yeah, az me, my boss da king!”