Start 3:16 - Hawaii Pidgin Bible

¹⁶ Den God tell da wahine dis: “You! Wen you born kids, I goin make um so you hurt plenny wen you born um. Goin come real sore fo born kids! Still yet, you goin like stay wit yoa husban, An him, he goin be in charge a you.”

Start 3:16 Iomraidhean Croise

Start 4:7

If you do wass good, Den you can stay good inside. But if you no do wass good, Den jalike da bad kine stuff Stay wait right dea Fo take ova you. Jalike one wild animal Stay wait by da door fo kill you. But you gotta take charge An no let da bad kine stuff take ova you!”

1 Records 4:9

Had one guy name Jabez. His muddah call him dat, cuz she tell, “Hurt plenny wen I born him,” an “Jabez” soun kinda like “hurt,” dea language. From all Jabez braddah guys, Jabez was da mos importan one.

Esther 1:20

Den, wen erybody all ova dis big wide land hear dis importan rule da king tell, all da wahines goin show respeck fo dea husbans, from da mos importan one to da ones dat not importan.”

Songs 48:6

Real fas dey come all sked an shaking, Jalike one wahine Dat start fo born one bebe!

Isaiah 13:8

Dey stay real sked an lose fight. Dey feel sore inside, an no can keep still Jalike one wahine dat goin born one bebe. Dey look at each odda An dea face stay all red from da fire, Cuz Babylon town stay burn!

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Jeremiah 13:21

You guys wen work hard Fo make da Babylon peopo tink You guys dea frenz. So den! How you guys goin handle bumbye Wen Da One In Charge put dem in charge a you guys?! You guys goin come real sore, Jalike one wahine ready fo born one bebe!

Jeremiah 22:23

You da king dat live inside Lebanon kine palaces, Dat get cedar wood fo make high makamaka. You goin moan plenny wen you start fo hurt, Jalike one wahine wen she born one bebe.”

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 49:24

“Da Damascus peopo wen lose fight. Dey turn aroun fo run away, An dey no can stop shake. Dey ony tink How dey stay sad inside dem, Jalike one wahine wen she born one bebe.

Jeremiah 6:24

I tell: “Us wen hear stuff bout dem awready, An we lose fight. Us worry plenny, an dat make us come weak. We hurt jalike one wahine dat stay born one bebe.

Census 30:13

Her husban can tell yes o no bout someting wen she make one strong promise fo do someting o fo no do someting.

John 16:21

You know, wen one wahine goin born one bebe, she sad cuz she stay suffa. But afta da bebe born, she no tink bout dat no moa. Den she stay good inside cuz one bebe born hea inside dis world.

1 Corint 11:3

But no foget da ting you guys awready know: Da Spesho Guy God Wen Sen, Christ, he stay in charge. He stay in charge a ery man, jalike da head stay in charge a da body. Same ting fo da wahine, da husban stay in charge a her, jalike he da head a her. An same ting wit God, he stay in charge a Christ, jalike he da head fo Christ.

1 Corint 14:34

Da wahines suppose to stay quiet wen erybody come togedda fo church. Dey not suppose to talk. Dey suppose to show respeck fo da leada guy. Da Rules From God tell da same ting, aah?

1 Corint 7:4

Da wife no ony own her body, but da husban own um too. Same ting, da husban no ony own his body, but da wife own um too.

Colosse 3:18

Wifes, lissen yoa husban cuz dass how God like his peopo live.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

1 Timoty 2:13

Cuz God wen make Adam firs, an den he wen make Eve.

1 Timoty 2:15

But wen da wahines born bebes, dey goin come out okay, if dey stay trus God, an show love an aloha fo erybody, an stay good an spesho fo God, an tink da right way.

Titus 2:5

an how fo take charge how dey ack, an how fo be pono inside. An dey can show da younga wahines how fo take kea dea ohana, an how fo be good kine peopo, an how fo show respeck fo dea husban an let him be da leada. So den, if dey do dis, nobody goin talk bad bout da tings dat God tell.