Start 24:1 - Hawaii Pidgin Bible

¹ Abraham stay real ol awready now, uku plenny year ol. Da One In Charge wen make eryting come out good fo him.

Start 24:1 Iomraidhean Croise

Start 12:2

“Da peopo dat goin come from you, Bumbye I goin make dem come one big, importan nation. Dey goin get good rep An make good tings happen to odda peopos. I goin make you one big name guy, An you goin make good tings come fo odda peopo.

Start 18:11

(No foget, dey real ol, Abraham an Sarah, an Sarah from long time she no can come hapai.)

Start 21:5

Da time Isaac born, Abraham hundred year ol awready.

Start 24:35

Da One In Charge, he do plenny good tings fo my boss. Abraham one importan guy awready. God give um sheeps, goats, cows, silva an gold, guys an wahines fo slaves, camels, an donkeys, eryting.

Start 25:20

Wen Isaac was 40 year ol, he marry Rebecca. Her faddah, Betuel da Aram guy from Paddan-Aram. Rebecca get one braddah, Laban da Aram guy.

Start 26:12

Dat year, Isaac plant seeds inside da Gerar land. An from ery bag wheat seeds dat Isaac plant, he get hundred bag wheat! Da One In Charge give him da powa fo do plenny,

Start 49:25

God, he da God fo me, yoa faddah guy. I like fo God help you, Joseph, I like fo Da God Wit All Da Powa do good tings fo you. I like fo him make good kine stuff come down from da sky fo you, An good kine stuff from deep unda da groun, An give you plenny kids An plenny bebe animals!

1 Kings 1:1

King David, he come real ol. He stay cold all da time, no can come warm, no matta get plenny blanket on top him.

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.

Isaiah 51:2

Tink bout Abraham, da main ancesta guy All you guys come from, An Sarah, yoa main muddah. Wen I tell Abraham fo come be my guy, Was ony him, one guy. I do plenny good stuff fo him, An give him plenny kids an grankids.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Luke 1:7

Dey no mo kids cuz Elizabet no can. Her an Zekariah stay ol now.

Galatia 3:9

So den, God goin do plenny good stuffs fo da peopo dat trus him, jalike he wen do fo Abraham, da guy dat wen trus him.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

1 Timoty 4:8

Wen one guy work out fo make his body come strong, dass good fo some tings. But gotta do da tings dat God like. Dass good fo eryting, fo da life ova hea inside dis world, an fo da real kine life we goin get bumbye.