Start 2:5 - Hawaii Pidgin Bible

⁵ all ova da world, neva even have wild bushes country side. Neva have da kine grass dat come up country side, cuz God, Da One In Charge, neva make da rain come down on top da groun yet, an cuz neva have nobody fo work da groun.

Start 2:5 Iomraidhean Croise

Start 2:6

Had fog come up outa da groun, an da dew from dat was da ony watta dat da land get, dat time.

Start 3:23

Dass why God, Da One In Charge, throw dem outa Eden, da place he wen plant da trees. God make dem go work da same dirt dat he wen use fo make um firs time.

Start 4:12

Wen you try fo work da groun, da groun no goin give you back notting good. You no goin get one place fo live. From now, you gotta jus go from one place inside dis world to anodda place!”

Start 4:2

Laytas, she born anodda boy, dass Abel, Cain braddah. Wen dey come big, Abel come one sheep an goat farma, an Cain come one dirt farma.

Job 5:10

He da One sen da rain on top da earth, An sen watta on top da countryside.

Songs 104:14

God da one make da grass come up Fo da cows, An plants fo da peopo farm um Fo dem make food Come outa da groun.

Songs 135:7

Da One In Charge, he da one Dat make da clouds come up From da mos far place in da world. He make da lightning an da rain. He da One dat make da wind come From da place wea he keep um.

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Jeremiah 10:13

Wen he talk, da thunda, jalike az his voice, An make da watta inside da sky make big noise too. He make da clouds come up From da mos far places on top da earth. He make da lightning come wit da rain. He bring da wind outa his storage places.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Matthew 5:45

Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings.

Hebrews 6:7

You know, wen da groun take in da watta erytime get rain, an dat make da plants da farma guys grow fo da peopo, an da groun come good, den God tell, “Az good how da groun stay!”