Start 1:21 - Hawaii Pidgin Bible

²¹ God make all da big kine fish an odda kine tings dat live inside da ocean, an choke plenny small kine fish an odda kine tings dat move aroun inside da watta, an all kine birds an bugs wit wings. An God look da tings inside da watta an da tings dat fly, an he tell, “Real, real good, all dat!”

Start 1:21 Iomraidhean Croise

Start 1:18

day time an nite time, an fo make da light an da dark diffren. An God look da day an da nite, an he tell, “Real, real good, all dat!”

Start 1:20

Den God tell, “Inside da watta, I like get choke diffren kine tings dat live dea! Up inside da sky, I like get plenny bird an all kine tings dat fly up ova da groun!”

Start 1:22

Den God tell da fish an birds an all da odda kine life, “I give you da powa fo you do eryting I wen make you fo do. So, I like you get plenny bebes, an fill up da ocean wit um. You birds too, I like you fo do da same ting an fill up da world!”

Start 1:25

God make um all: all kine wild animals, an all kine animals dat live wit peopo, an all da small kine animals dat run aroun on top da groun. An God look da animals, an he tell, “Real, real good, all dat!”

Start 1:31

God look eryting he wen make, an he tell, “Real, real good, all dat!” An had da nite time an da day time, az day numba six.

Start 2:19

Befo time, God, Da One In Charge, take dirt from da groun an make all da diffren kine wild animals an all da diffren kine birds in da sky. He bring um all in front da guy fo find out wat name da guy goin give um. Eryting dat stay alive, da name dat da guy give um, dass da name dey get.

Start 6:20

Ery kine bird, ery kine animal dat live wit peopo, an ery kine ting dat crawl on top da groun, two a dem goin come by you, fo make shua dey goin stay alive.

Start 7:14

Da ohana guys, ery kine wild animal, ery kine animal big an small dat live wit peopo, all kine tings dat crawl on top da groun, ery kine bird, eryting dat get wing,

Start 8:17

Bring outside all da diffren kine animals dat stay wit you—da birds, da animals, an tings dat crawl on top da groun—fo dem all get plenny kids an fill up da world.”

Start 8:19

All da peopo an da animals go outside da big boat, ery animal, eryting dat crawl on top da groun, an ery bird.

Start 9:2

All da wild animals all ova da world, all da birds inside da sky, all da tings dat crawl on top da groun, an all da fish inside da watta—dey all goin be real sked a you guys, but still yet you guys goin be in charge a dem.

Start 9:7

“So den, you guys. Born plenny kids, an fill up da world wit plenny peopo.”

Job 12:7

“You guys can even aks da animals, an dey goin teach you. Aks da birds dat fly in da sky, an dey goin tell you.

Job 26:5

“Da mahke guys spirits suffa plenny, Dey da guys dat stay unda da watta, An da tings dat live inside da watta.

Job 7:12

You tink I jalike da ocean, o wat? O you tink I da sea monsta inside da ocean? An dass how come you gotta watch me jalike one security guard, o wat?

Songs 148:7

Da tings dat get on top da earth, Make shua dey tell good tings Bout Da One In Charge too, An all da big animals inside da ocean, Jalike dey tell da same ting too, An same ting fo all da watta In da mos deep places In da ocean.

Outa Egypt 1:7

But da Israel ohana peopo (az Jacob dem), dey get plenny kids an grankids. Dey come choke plenny peopo an dey fill up da land.

Outa Egypt 8:3

Da Nile Riva goin get plenny frog dat move aroun all ova inside da watta. Dey goin come up outa da riva an go inside yoa palace. Dey goin jump all ova da room wea you sleep, an all ova yoa bed. Da palace peopo an all yoa odda peopo, same ting. You even goin get frogs inside yoa oven an da bowls you use fo make bread.

Ezekiel 32:2

“Eh! Fo Real Kine Guy! Sing one funeral kine song bout Pharaoh, da Egypt king. Tell him: “Mo den all da diffren peopos, You was jalike one lion! But now, you all bus up! You mo jalike one sea monsta from da ocean! You splash plenny watta in yoa Nile Riva channels. You step all aroun da riva an make um dirty. Az why da watta come muddy inside all da streams.

Jonah 1:17

Da One In Charge, he wen make ready one mangus fish fo swallow Jonah. An den Jonah stay inside da fish opu, three days an three nites.

Jonah 2:10

Den God tell da big fish bahf up Jonah on top da beach.

Matthew 12:40

Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.