Ruth 4:2 - Hawaii Pidgin Bible

² Den Boaz go tell ten a da older leada guys fo da town fo come lissen. He tell um, “Sit down ova hea.” Dey sit down too.

Ruth 4:2 Iomraidhean Croise

1 Kings 21:8

So Jezebel write some lettas, an she use Ahab name. Den she use Ahab seal fo ery letta so erybody know dey come from da king. She sen um to da older leada guys an da town council guys dat live in Nabot town wit him.

Outa Egypt 21:8

If da guy dat own her tell, “Dis wahine, she fo me,” but den tink she no good, he gotta let her ohana buy her back. Da slave owna no can sell her to one guy from anodda place, cuz he buy her fo him, but den he no get respeck fo her no moa, da way he suppose to do.

Smart Guys 31:23

In da place wea all da importan guys hang out, Da older leada guys fo dat whole place, Dey know da husban Cuz he one a dem.

Sad Song 5:14

Da older leadas stay away from da town gate now. Da young guys no play dea music no moa.

Jesus Guys 6:12

Dass how dey make da peopo, da older leadas, an da guys dat teach da Rules From God come all huhu wit Stephen. Dey grab him an bring him in front da main leada guys.

Rules Secon Time 25:7

But if da braddah guy no like marry his mahke braddah wife, she goin go by da older leadas by da town gate an tell dem, “My husban braddah no like marry me jalike he suppose to do, fo give me one boy fo carry his braddah name inside Israel!”

Rules Secon Time 29:10

All you guys stay stan today in front yoa God, Da One In Charge—yoa leadas, da main guys, da older leadas, da officers, an all da odda guys hea from da Israel peopo,

Rules Secon Time 31:28

“Bring togedda by me, all da older leadas from yoa ohanas, an da officer guys, fo me tell dem dis fo dem lissen. I goin call all da powas inside da sky an on top da earth fo tell wat dey wen see da peopo do fo judge dem.