Ruth 2:16 - Hawaii Pidgin Bible

¹⁶ An den wen you guys tie up da barley, make shua you pull out litto bit fo her an leave um ova dea fo her pick up. No go scold her notting!”

Ruth 2:16 Iomraidhean Croise

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Matthew 25:40

“Me, da King, I goin tell, ‘Dass it! I tell you guys fo shua, wateva you guys wen do fo one a my braddahs, no matta peopo tink da guy not importan, was me you guys do um fo.’

Rome 12:13

Use wat you get fo kokua da peopo dat stay spesho fo God wen dey need kokua. Wen peopo from anodda place come by you, make shua you take kea dem wit aloha.

Filemon 1:7

Braddah, you get love an aloha fo da peopo dat stay spesho fo God. Az why I feel good inside. Weneva I no feel good inside, I tink bout you, an dat make me feel good one mo time. Cuz da peopo dat stay tight wit God, you make dem come good inside one mo time.

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

Ruth 2:15

Afta Ruth stan up fo go pick up some mo barley, Boaz tell his worka guys, “Let her pick up da extra barley, even ova dea wea you guys tie up da barley plants afta you harves um. No make her come shame.

Ruth 2:17

All day, Ruth pick up da extra barley. Wen da sun stay go down, she wack da barley dat she wen pick up fo make da part you eat fall off, an she pick up bout twenny poun barley.