Prieses 26:3 - Hawaii Pidgin Bible

³ “If you guys live da way I tell you gotta live, an lissen up real good wat I tell you fo do,

Prieses 26:3 Iomraidhean Croise

Nehemiah 1:9

But if you guys come back an change how you ack, be my guys, an stay do all da tings I tell you gotta do, den I goin bring you guys back. I goin bring you guys togedda ova dea, da place I wen pick fo show wat kine god me fo you guys show respeck fo me. No matta you guys stay far place all ova da world, I goin bring you guys back!’

Outa Egypt 23:25

You goin work fo me, Da One In Charge, yoa God. Den I goin make yoa food an yoa watta be good kine. I goin make shua you guys no come sick.

Isaiah 1:19

If you guys like lissen, An tink da same ting jalike me, You goin eat all da good stuff from da land.

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Jeremiah 11:4

Da time I wen bring yoa ancesta guys outa Egypt, dis da rules I wen tell dem dey gotta follow. Eryting ova dea was real hard fo dem, jalike dey inside one real hot fire fo take da junk outa da iron. I tell um: ‘Lissen up, an do eryting I tell you guys fo do! Den you guys goin come my peopo, an I goin come yoa God.

Prieses 19:25

Den, year numba five, you guys can eat da fruit. Az how you guys goin get even mo fruit. I yoa God, Da One In Charge.

Zekariah 8:12

“Da seeds goin grow good, da grape vines goin grow fruits, da groun goin grow food, an da sky goin give watta. I goin give all dis stuff to da peopo dat still yet stay alive.

Malakai 3:10

“Go bring all da ten percent you owe me Inside da temple storage place. Den goin get food inside my house. So, try see if I fo real bout all dat! See if I no goin open da windows inside da sky An pour down fo you guys plenny good tings, Too plenny fo you guys handle! Me Da One In Charge, Da God Ova All Da Armies, an dass wat I tell.

Rules Secon Time 7:12

“If you guys lissen dese rules an make shua you do um, den oua God, dass Da One In Charge a us, goin make shua he do his part a da deal fo stay tight wit you guys, jalike he wen make one strong promise to oua ancesta guys fo do um.

Jesus Show 22:14

“Erybody dat wash dea clotheses clean, dey can stay good inside, cuz dey get da right fo eat from da tree dat make peopo come alive fo real kine. An fo go inside God big town thru da gate.