Micah 7:3 - Hawaii Pidgin Bible

³ Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Micah 7:3 Iomraidhean Croise

Smart Guys 16:30

Somebody dat make sly kine eyes, Show he make one plan fo rip off somebody. Somebody dat make chocho lip, Show he stay ready fo do one bad ting he tink bout.

Smart Guys 17:23

Da bad guys, dey give money unda da table Fo make shua da judge no judge da right way.

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Isaiah 26:21

Cuz you know wat?! Da One In Charge stay come out from his place Fo punish da peopo on top da earth Fo all bad kine stuff dey do. Den da earth goin show All da peopo dat wen bleed an mahke dea, Da ones dat wen murda dem No can hide um no moa.

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Isaiah 32:7

Da guys dat fool erybody, Eryting dey do, stay bad. Dey make one plan fo do real bad kine stuff. Az how come dey bulai Da peopo dat no mo notting Fo wipe dem out, No matta da peopo dat fo real kine need stuff Even wen dey get um right in front da judge.

Isaiah 5:23

Dat kine guys, wen somebody do wrong kine stuff, Dey give da judge money Fo make um look jalike dey stay do eryting right. But fo da peopo dat stay do da right ting fo real kine, Dey take away dea rights.

Jeremiah 3:5

You goin stay huhu all da time, o wat?! You goin stay huhu till eryting pau?!’ Az right, how you guys stay talk all da time! But still yet, you guys stay do All da bad kine stuff you like do.”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 8:10

“Az why I goin give dea wifes to odda guys. An I goin give dea fields to odda guys dat like take ova um. From da mos importan guy to da mos small guy, All dem greedy fo get eryting fo ony dem. Even da guys dat suppose to talk fo me An da pries guys, dey all same same. All dem bulai.

Ezekiel 22:12

Inside yoa town get guys dat take unda da table money fo go kill somebody. You lend money but charge choke plenny interes, an scam odda peopo. An you guys wen foget me too. Az wat me Da One In Charge, da Boss, tell.

Ezekiel 22:27

Da Israel leadas ack jalike da wolfs dat rip up animals an make um bleed. Dey wipe out peopo cuz dey greedy fo do wass wrong fo make money.

Ezekiel 22:6

“All yoa Israel prince guys use dea powa fo kill peopo!

Ezekiel 34:21

You momona sheep leadas push da weak sheeps hard wit yoa side an shoulda, an push um wit yoa horns, till you scatta dem far away.

Ezekiel 9:9

Da One In Charge tell me, “Da Israel peopo an da Judah peopo do real plenny bad kine stuff. Get plenny peopo dat wen bleed an mahke all ova Israel an Judah. An da judges all ova Jerusalem town no judge da right way, so dey let da killa guys go erytime. Da Israel peopo an da Judah peopo tell, ‘Da One In Charge wen bag from dis land. Da One In Charge, he no see wass happening!’

Hosea 4:18

Even wen dey no mo booze, dey still stay fool aroun. Dea leadas ony like make shame fo real kine.

Hosea 7:3

Da prince guys make da king tink az good fun Cuz dey stay do bad kine stuff. Da prince guys like fo dem bulai.

Amos 5:12

Eh! I know how much stuff you guys do agains me. I know all da diffren ways you guys do bad kine stuff! You guys, you stay agains da peopo dat do da right ting. You guys like get money from unda da table, You guys like put presha on peopo Az why da ones dat need help from da judge, no goin get help!

Micah 2:8

But right now, my peopo go agains me. You guys rip off da rich kine clotheses From da peopo dat come by hea an no mo worry. Jalike wen guys come home from fight one war.

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Micah 3:2

But you guys, you hate da good kine stuff, But get love fo da bad kine stuff! You guys pull da skin off my peopo An take da meat off dea bones!

Matthew 26:15

He tell um, “Eh, how much money you guys goin give me if I set him up fo you guys?” So dey make one deal an give him thirty silva coins.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.