Micah 7:2 - Hawaii Pidgin Bible

² Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Micah 7:2 Iomraidhean Croise

Songs 10:9

Jalike one lion hide inside da bushes, Dey wait Fo grab da peopo dat stay pooa ting, Jalike dey catch um wit dea net.

Songs 12:1

Eh! You Da One In Charge! Try help me! Cuz no mo nobody I can trus. I no can find nobody dat stay tight wit me!

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

Songs 57:6

Da peopo dat stay agains me, Dey wen make ready One net fo catch me. Cuz a dat, I wen feel all bum out. Dey wen dig one big hole Wea dey know I goin go, But dey da ones Wen fall down inside dea! (Time out fo da music.)

Smart Guys 1:11

No matta dey tell, ‘Try come wit us. We goin hide an go jump whoeva stay come, Den we kill um. Cuz no mo notting else fo do, aah?

Smart Guys 12:6

Wen da bad kine peopo talk, Az ony fo dem catch odda peopo Den bumbye dey can kill um. Wen da good kine peopo talk, Az fo get peopo outa trouble.

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Isaiah 57:1

But da peopo dat get um right wit God, Wen dey mahke, Nobody even tink bout dat. Da peopo dat stay tight wit God, He take dem away. But nobody undastan God stay take away da good kine guys too, So dey no suffa from da bad kine stuff Da odda peopo stay do.

Isaiah 59:7

Dey run fas fo do bad kine stuff. Dey real quick fo kill peopo Dat neva do notting bad. Dey ony tink bout How fo do bad kine stuff. Ery place dey go, Dey broke up eryting.

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Jeremiah 16:16

Dis anodda message from Da One In Charge: “Right now, I goin tell plenny guys dat fish fo come, an dey goin catch da Israel peopo jalike dey catch fish. Afta dat, I goin tell plenny guys dat hunt animal fo come, an dey goin hunt fo da Israel peopo an bring um in from on top ery mountain an hill, an from inside da cracks inside da cliffs.

Jeremiah 5:16

Da arrows dey carry goin put you guys inside da grave. All dose guys stay strong fo fight.

Jeremiah 5:26

“Some a my peopo, dey real bad kine guys. Dey hide an wait fo grab peopo, Jalike da guys dat trap birds, Jalike dey put one trap fo wipe out odda guys.

Jeremiah 8:6

I lissen real good, But wat dey tell, not right. No mo nobody stay sorry fo da bad kine stuff dey wen do. Dey tell, ‘Wat I wen do, I neva do notting wrong!’ Dey all go da way dey like, Dey jalike one army horse running fas fo fight.

Sad Song 4:18

Guys hunt us wea eva we go. Fo us no walk inside oua open squares. Us no mo plenny time fo stay alive. Us goin mahke real fas.

Ezekiel 22:12

Inside yoa town get guys dat take unda da table money fo go kill somebody. You lend money but charge choke plenny interes, an scam odda peopo. An you guys wen foget me too. Az wat me Da One In Charge, da Boss, tell.

Ezekiel 24:6

“Cuz dis wat me, Da One In Charge, da Boss, tell: Jerusalem town goin come all bus up! You Jerusalem peopo betta watch out! You guys, az yoa big town wea dey kill peopo! Yoa town, jalike one pot dat get bad kine stuff stay stick inside um! No mo nobody can scrub um off! Hemo all da stuff from inside da pot, piece by piece. Cuz all da pieces same same, no good!

Hosea 5:1

Da One In Charge tell, “Lissen, you pries guys! Lissen good, all you Israel ohana peopo! An lissen, you king an yoa ohana! Wat da judge tell stay agains you guys: You guys wen lead peopo to one trap Mizpah side. An az jalike you spread out one net fo catch peopo at Mount Tabor.

Hosea 6:9

Da pries guys, dey one gang, Jalike da steala guys dat hide togedda fo jump somebody. Dey kill peopo on top da Shekem road. Dey make plans fo do real bad kine stuff.

Micah 2:8

But right now, my peopo go agains me. You guys rip off da rich kine clotheses From da peopo dat come by hea an no mo worry. Jalike wen guys come home from fight one war.

Micah 3:10

You guys kill peopo fo you build up Mount Zion, An judge da wrong way fo you build up Jerusalem town.

Micah 3:2

But you guys, you hate da good kine stuff, But get love fo da bad kine stuff! You guys pull da skin off my peopo An take da meat off dea bones!

Zekariah 11:6

Da One In Charge tell, “Same ting wit me—I no goin show pity fo da peopo dat live inside dis land no moa. You know wat?! I goin let da king an all da oddas grab eryting dey can from erybody. Dey all goin jam up da land. An I no goin get nobody outa trouble from da odda peopos.”

Jesus Guys 24:9

An da Jew guys poin finga Paul too, an tell dat all da stuff Tertullus tell, stay true.

1 Samuel 24:11

You, you jalike my faddah fo me! Look! You see dis piece from yoa robe, hea inside my hand?! I wen cut off da corna from yoa robe, but I no kill you. Az why you gotta know fo shua dat I no mo da blame fo do someting bad. I no go agains you. I no do notting wrong agains you, but you stay hunt me fo kill me.

1 Samuel 26:20

Now, my boss da king, no make me bleed an mahke inside one land wea I no can stay nea Da One In Charge! Wat da king fo da Israel peopo do, he stay come out hea jalike fo hunt ony one flea! Jalike somebody chasing one pheasant bird all ova da mountains.”