Micah 4:4 - Hawaii Pidgin Bible

⁴ Dat time, erybody goin sit down Undaneat his grape plant an his fig tree, An nobody goin make um come sked. Cuz Da One In Charge, Da God Ova All Da Armies, Wen tell dis.

Micah 4:4 Iomraidhean Croise

1 Kings 4:25

All da time Solomon stay alive, da Judah an Israel peopo no need worry bout notting, from da Dan land north side to Beer-Sheba town south side. Erybody can sit down unda dea grape vine an fig tree.

1 Kings 5:5

So now, I stay figga lidis: I goin build one Temple so erybody goin know wat kine god my God, Da One In Charge, da One I stay pray to. Da One In Charge wen tell my faddah King David, ‘I goin put yoa boy on top yoa throne, afta you pau be da King. Yoa boy, da one goin build da Temple so erybody goin know wat kine god me.’

Job 11:19

You goin lay down, an nobody goin make you come sked. Plenny peopo goin make nice to you.

Songs 72:3

I like da peopo stay do wass right, Cuz den, da up country land Goin give enuff food Fo make eryting okay fo dem, An da hill land Goin give um plenny too.

Smart Guys 3:25

So den you no need come sked an shake all ova. Wen da peopo dat do bad kine stuff get big trouble all one time, You no need worry.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Isaiah 17:2

Da peopo goin leave all da towns Aroer side. Dey all goin go way from ova dea. Goin come one place fo da cows an sheeps an goats. Dey goin lay down dea, An no goin get nobody fo make dem sked.

Isaiah 22:25

Da One In Charge, Da God Ova All Da Armies, Dis wat he tell: “Bumbye, even Eliakim goin come jam up, Jalike wen somebody put one peg fo hang someting On top one solid place an da peg come loose. Somebody goin chop um off, Den da whole load goin fall down An eryting dat hang on top um goin come wipe out.” Da One In Charge, he da One tell all dat.

Isaiah 26:16

Da One In Charge, befo time oua peopo look fo you Wen dey get hard time. Wen you scold dem fo teach dem, Dey ony can wispa wen dey pray to you.

Isaiah 32:17

An cuz peopo stay do wass right, Dat goin make tings come good fo erybody. An wen dey stay do wass right Dey goin stay quiet an trus God all da time.

Isaiah 36:16

“No lissen Hezekiah!

Isaiah 40:5

Da One In Charge goin let erybody see how awesome he stay. Erybody inside da world goin see dat, same time. Cuz dass wat Da One In Charge wen tell!”

Isaiah 54:14

You guys goin come solid Cuz you stay do da right ting erytime, No mo nobody goin put presha on you guys, An you no need stay sked no moa. Cuz da tings dat make you sked, No even goin come nea you guys.

Isaiah 58:14

If you guys stay do all dat, Den you guys goin feel good inside Cuz you stay tight wit me, Da One In Charge. I goin let you guys ride on top da mos high places in da land, Cuz you guys goin be da ownas. I goin make shua you guys get plenny food fo eat From da same land Dat I wen make one promise Fo give um to yoa ancesta Jacob. Dass wat I goin do cuz me Da One In Charge, An dass wat I tell!”

Jeremiah 23:4

I goin put leada guys ova dem jalike real kine sheep guys fo take kea dem. Dey no goin stay sked no moa, an erybody dat suppose to be dea, goin be dea.” Az wat Da One In Charge tell.

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Ezekiel 34:25

“ ‘I goin make one deal fo my peopo fo make shua eryting stay okay fo dem. An I goin wipe out all da wild animals from da land fo da peopo live inside da boonies an sleep in da fores, an notting goin hurt dem.

Ezekiel 34:28

Da odda nations no goin rip off my peopo no moa. Da wild animals no goin eat um up no moa. Notting goin hurt dem, an no mo nobody goin make dem come sked.

Ezekiel 38:11

You goin tell, ‘Me, Gog, goin go afta da peopo inside da Israel land. Da peopo ova dea no mo wall aroun dea small towns. Da peopo I goin attack, no mo notting bodda dem, an dey figga no mo notting bad goin happen to dem. Dey all live wea no mo town wall, an no mo bar o gate door fo keep me outside.

Ezekiel 39:26

Bumbye dey goin live inside dea land, an nobody goin hurt dem o make dem sked. But even ova dea, dey goin carry da blame fo da shame kine stuff dat dey wen do befo time, an fo show dat I no can trus um.

Prieses 26:6

“I goin make eryting come good fo you guys inside da land. Wen you guys lay down, you no need stay sked a nobody. I goin take away da wild kine animals from da land, an no mo nobody goin go thru dea fo make war.

Micah 5:3

Dass how come Da One In Charge goin bag from da Israel peopo, But ony till da time da leada guy muddah goin born her bebe. Den da odda Israel guys dat still stay prisonas Goin come back togedda an join wit da Israel peopo.

Zefaniah 3:13

“Da Israel peopo dat still stay alive, Dey no goin do wrong kine stuff. Dey no goin bulai peopo. Dey no goin tell stuff you no can trus. Jalike sheeps dat eat grass an den res, No mo notting goin make dem run away sked.”

Zekariah 3:10

“Dat time, all a you guys goin tell da peopo dat stay nea you fo come sit down by yoa grape plant an yoa fig tree wit you.” Dis wat Da One In Charge, Da God Ova All Da Armies, tell.