Micah 4:2 - Hawaii Pidgin Bible

² Peopo from diffren nations Goin come dea an tell, “Go come! Us go up Da mountain a Da One In Charge, Wea his Temple stay. He da God Jacob wen pray to. He goin show us guys da way he like fo us live, Fo us do wat he tell us fo do, His Rules goin come out from Mount Zion. Wat he tell goin go out from Jerusalem.”

Micah 4:2 Iomraidhean Croise

Songs 110:2

Da One In Charge stay On top Mount Zion, Jerusalem side, An he goin make you strong Fo be da king ova mo an mo peopo. No matta get peopo all aroun you Dat stay agains you, You da one goin be in charge.

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Songs 119:171

Help me fo tell how awesome you stay, Cuz you teach me da tings I gotta do.

Songs 122:1

My frenz wen tell me, “Eh, we go da Temple Fo Da One In Charge!” Dat make me stay good inside.

Songs 25:12

Da ones dat feel jalike dey sked an shaking Wen dey stay in front Da One In Charge, Dey da ones Da One In Charge goin teach Wat way fo go.

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 54:13

“Me, Da One In Charge, I da One Goin teach all yoa peopo. I goin make eryting come plenny good fo dem.

Isaiah 56:7

Dey da peopo I goin bring Jerusalem side, To da mountain dat stay spesho fo me. I goin make dem feel real good inside Wen dey come inside my house fo pray. Wen dey make burn up kine sacrifice on top my altar, An odda kine sacrifices dey make dea, Dat goin make me feel real good. Cuz peopo goin call my house ‘Da house wea all diffren peopos go fo pray.’ ”

Jeremiah 31:6

Goin come one time Wen da security guard guys On top da hills Efraim side Goin yell lidis: ‘Go come! fo us go Mount Zion Fo talk to oua God, dass Da One In Charge a us, Jerusalem side.’ ”

Jeremiah 42:3

We like fo yoa God, Da One In Charge, tell us wea us guys gotta go, an wat kine stuff we gotta do.”

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Zekariah 14:16

Den all da peopo dat still yet stay alive from all da peopos dat wen go agains Jerusalem, dey goin come back ery year fo go down in front da King—Da One In Charge, Da God Ova All Da Armies. Da peopos goin go Jerusalem fo make Da Spesho Religious Ceremony Fo Live In Shacks.

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Zekariah 9:10

He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.

Mark 16:20

Den all his guys go all ova da place an teach. An Da One In Charge work wit dem, an stay do awesome kine stuff fo show dat wat he tell stay fo real.

Luke 24:47

Afta dat, his guys goin teach all da diffren peopos inside da whole world bout da Christ Guy, da Spesho Guy God Wen Sen. Dey goin tell da peopos dey gotta come sorry fo all da bad kine stuff dey stay do, an no do um no moa. So den, God goin let go da peopos an hemo dea shame fo all da bad kine stuff dey wen do. His guys goin go teach lidat cuz dey his guys an dey get his powa, an dey goin start Jerusalem side.’

John 6:45

Da guys dat wen talk fo God long time befo time, dey write, ‘God goin teach all da peopo.’ Erybody dat lissen da Faddah, an learn da good kine stuff from him, dey goin come by me an be my guys.

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

Jesus Guys 1:8

But you guys goin get spesho kine powa wen da Good An Spesho Spirit take charge a you. An den you guys goin tell da peopo in Jerusalem wat you know bout me, an same ting fo da peopo all ova Judea, Samaria, an all ova da world.”

Jesus Guys 13:42

Den Paul an Barnabas go way from da Jew church. Da peopo tell um fo talk mo bout dis stuff da nex Res Day.

Rome 15:19

Christ wen give me da powa from God Spirit fo do awesome kine stuff. He do dat fo show who Christ stay. Dass how I tell all da Good Kine Stuff Bout Christ to all da peopo from Jerusalem side all da way to Illyricum side.

Rules Secon Time 6:1

Moses tell dis too: “Dis wat oua God, Da One In Charge, wen tell me fo teach you guys—all da stuff you gotta do, an da rules bout wass right an wass wrong. Dass wat you guys gotta do inside da land wea you goin go fo take um ova, da odda side a da Jordan Riva.