Matthew 9:30 - Hawaii Pidgin Bible

³⁰ An right den an dea dey can see. Den Jesus tell um strait, “You guys betta not tell nobody notting bout dis.”

Matthew 9:30 Iomraidhean Croise

Songs 146:8

Da One In Charge, he da One Dat make da peopo Dat no can see, see, An help da peopo Dat gotta carry too much, fo stan up, An get love an aloha fo da peopo Dat stay do wass right.

Isaiah 35:5

Dat time, da peopo dat no can see, Dey goin see. Da peopo dat no can hear, Dey goin hear.

Isaiah 42:7

Wen I tell ‘light,’ dis wat I mean: Jalike you goin open da eyes Fo peopo dat no can see, Jalike you goin take out da peopo Inside one prison unda da groun, Da ones dat stay inside one dark place.

Isaiah 52:13

Da One In Charge tell: “Look! My worka guy, He do wat he suppose to do. He do one good job cuz he know wat he stay do. Peopo goin know he importan. Dey all goin know who him, An show him plenny respeck.

Matthew 12:16

He tell um dey betta not tell da odda guys who him.

Matthew 17:9

Afta dat, Jesus guys go down da mountain, an Jesus tell um, “You guys wen see someting real spesho. No tell nobody wat you guys wen see. I Da Fo Real Kine Guy. I goin mahke, an I goin come back alive afta I mahke. Ony den, you guys goin tell peopo wat you guys wen see.”

Matthew 8:4

Den Jesus tell him, “Make shua dat you no tell nobody bout dis. Go let da pries guy check you out. No foget make da kine sacrifice jalike Moses tell in da Rules From God. Den erybody goin know dat you stay good now, an you can pray wit da odda peopo.”

Mark 1:43

Jesus talk strong to da guy. He tell um, “Eh! You betta not tell nobody bout dis! Go, let da pries guy check you out. No foget make da kine sacrifice now, jalike Moses wen tell inside da Rules From God. Den erybody goin know dat you stay good now.” Den he tell um fo go.

Mark 3:12

But Jesus tell da spirits, “You guys betta not tell nobody who me.”

Mark 5:43

Den he tell um, “You guys betta not tell nobody bout dis! Now go make her someting fo eat.”

Luke 5:14

Den Jesus tell um, “Make shua you no tell nobody bout dis! Go by da pries guy fo him check you out dat you no mo da lepa kine sick. No foget make da kine sacrifice now, jalike Moses wen tell inside da Rules From God. Gotta do all dat, so erybody goin know you stay good now.”

Luke 8:56

Dat blow dea mind. But Jesus tell um, “Eh! No tell nobody wat wen happen, aah.”