Matthew 9:24 - Hawaii Pidgin Bible

²⁴ He tell um, “Erybody go way! Da girl neva mahke, she ony stay sleeping.” But da peopo make fun a him.

Matthew 9:24 Iomraidhean Croise

Job 12:4

“I wen come one guy dat all my frenz laugh at, No matta befo time I wen call out to God an he ansa me. Now dey laugh at me, No matta I do wass right an no mo da blame fo dat!

Isaiah 49:7

Dis anodda spesho message from Da One In Charge. (He da One dat pay da price Fo get da Israel peopo outa trouble. He da Good An Spesho One fo da Israel peopo.) Dis message, fo da one Dat da peopo tink he no good inside, Da one dat all ova da country, Da peopo hate um, Da one dey figga ony one slave Dat work fo da leada guys. Dis wat Da One In Charge tell dat guy dat work fo him: “Wen da king guys see you, Dey goin stan up fo show you respeck! Wen da prince guys see you, Dey goin go down in front you Fo show you respeck! An all dat goin happen cuz a me, Da One In Charge. I da One you can trus. I da Spesho One fo da Israel peopo. An I wen pick you!”

Isaiah 53:3

Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Mark 5:40

Dey laugh at him. So he chase um all outside, an take da girl faddah an muddah, an his three guys, an dey go inside da room wea da girl stay.

Luke 8:53

An dey all laugh an make fun a him, cuz dey know she mahke.

John 11:4

Wen Jesus hear dat, he tell, “Lazarus no goin mahke from dis sick. Dis happen so erybody goin know how awesome God stay. I God Boy, an erybody goin find out from dis how awesome I stay too.”

Jesus Guys 20:10

Paul go down dea, an throw his body on top da guy, an put his arms aroun him. He tell, “No worry, he still stay alive!”

Jesus Guys 9:40

Peter tell um all fo go outside. Den he go down on his knees an pray. He turn aroun by da mahke wahine, an tell, “Eh Tabita! Stan up!” She open her eyes, spock Peter, an sit up.