Matthew 9:17 - Hawaii Pidgin Bible

¹⁷ Same ting, you no goin put grape juice fo make wine inside one ol kine ledda bag an close um fo let um ferment. You do dat, da new wine goin ferment an bus da ol wine bag, an da wine goin spill out. Da ol ledda no good no moa. Mo betta, you put da grape juice inside one new kine ledda bag. Den da wine an da bag goin stay good.”

Matthew 9:17 Iomraidhean Croise

Job 32:19

Inside, I stay jalike da wine inside one goat skin dat no mo puka. Jalike new goat skins dat stay full a wine an ready fo bus open.

Songs 119:83

Jalike I one ol goat skin Somebody wen use fo carry wine Dat come all poho cuz stay Too much time inside da smoke, Dass how I feel inside. Still yet, I no foget Da tings you tell I suppose to do.

Matthew 9:16

“Fo fix up one ol puka clothes, you no goin take one new piece cloth dat no shrink yet fo cova da puka. You do dat, den wen you go wash um, da new piece goin shrink an make one mo big puka, an you make da ol clothes mo worse.

Matthew 9:18

Wen he stay tell dat, one leada guy go dea an go down in front Jesus, an tell, “My girl jus mahke. Try come an put yoa hand on top her. Den she goin come back alive.”

Mark 2:22

“An same ting, you no put grape juice fo make wine inside one ol kine ledda bag, an close um fo let um ferment. You do dat, da new wine goin come mo plenny an bus da wine bag, an da wine goin spill out. Da ol ledda no good no moa. Mo betta, you put new wine inside one new kine ledda bag.”

Luke 5:37

An you no goin put grape juice fo make wine inside one ol wineskin. You do dat, wen da grape juice come wine, goin bus da ol wineskin. You goin lose da wine an da skin too. Eryting come poho!

Luke 5:38

Mo betta, you put new wine inside one new wineskin.

Joshua 9:4

dey figga mo betta bulai da Israel peopo. Dey go fo talk to Joshua wit donkeys fo carry dea food. But dey load da donkeys wit poho kine burmbag sacks, an ol ledda bags fo wine wit cracks dey wen patch up.