Matthew 8:8 - Hawaii Pidgin Bible

⁸ But da captain tell, “Eh Boss, you know, I not good enuff fo you fo come inside my house. Ony tell ‘Go come good,’ den my worka guy goin come good.

Matthew 8:8 Iomraidhean Croise

Start 32:10

Me, I not one importan guy. But you stay tight wit me cuz I yoa guy. I know I can trus you erytime fo hang in dea wit me, yoa slave guy, jalike you wen tell me befo time. Cuz wen I go da firs time an cross dis Jordan Riva, I no mo notting. Da ony ting I get was one stick fo walk. Now, I get choke plenny peopo fo fill up two camp.

Songs 10:17

But wen da peopo dat suffa Like fo you help dem, You, Da One In Charge, lissen dem real good. You goin make dem come all solid inside. You goin hear wat dey tell An goin do um.

Songs 107:20

An wat Da One In Charge tell um, Make um come good Fo dem no mahke An go down inside da grave.

Songs 33:9

Cuz he wen talk, eryting start. He wen tell wat gotta happen, An eryting come lidat.

Census 20:8

“Take Aaron stick fo walk outa Da Box Fo No Foget Da Deal Wit God. You an yoa braddah Aaron, go get da peopo an bring um togedda. Talk to da cliff dey see in front dem, an watta goin come out. You goin bring watta outa da cliff fo da peopo. Dass how you goin give dem an dea animals watta fo drink.”

Matthew 3:11

“All you guys, I goin baptize you guys wit watta. Dat goin show dat you guys come sorry fo do all da kine bad stuff you stay do an no do um no moa. But afta me, goin come anodda guy. He get mo powa den me. An you know wat? I not even spesho enuff fo help him hemo his slippas. Da way he goin baptize you guys, jalike he goin baptize you guys wit da Good An Spesho Spirit fo take ova you, jalike he baptize you guys wit fire!

Matthew 3:14

But John tell Jesus, “How come you come by me? Me, I no can baptize you. Eh, I need fo you baptize me!”

Matthew 8:3

Jesus wen stick out his hand an touch him, an tell, “Okay, I do um. Come good.” Right den an dea da lepa guy come good.

Matthew 8:7

Jesus tell him, “Kay den. I goin go yoa house fo make him come good.”

Matthew 8:9

You know, I get one army boss dat tell me wat fo do. An I tell my army guys wat fo do. I tell dis guy, ‘Go,’ an he go. An I tell dat guy, ‘Go come,’ an he come. An my slave guy, I tell um, ‘Do dis,’ an he do um.”

Luke 15:19

I not good enuff fo be yoa boy. Let me work fo you fo pay, an den bumbye I pay you back.” ’

Luke 15:21

Da boy tell, ‘Eh Daddy! I wen do someting real bad agains God in da sky, an agains you. I not good enuff fo be yoa boy.’

Luke 5:8

Wen Simon Peter see how plenny fish dey get, he go down on his knees in front Jesus an tell, “Eh, Boss, go way from me, cuz I one guy dat stay do bad kine stuff!”

John 1:27

I wen start fo teach firs befo him, but I not spesho enuff even fo help him hemo his slippas.”