Matthew 7:13 - Hawaii Pidgin Bible

¹³ “Fo go inside God place, go inside thru da skinny gate. Get anodda gate dat stay wide an get plenny room. Dass da gate fo da road fo bring you to Hell, an get plenny guys goin go dat way.

Matthew 7:13 Iomraidhean Croise

Start 6:12

God see dat eryting in da world come poho. Da way dey live, all da peopo ack pilau.

Start 6:5

Da One In Charge wen see how da peopo stay do mo an mo plenny bad kine stuff, all ova da world. All da time dey ony tink how fo do bad kine stuff.

Smart Guys 16:25

Get some way dat look jalike az da right way fo all dem go, But bumbye dey goin end up inside da Mahke Peopo Place.

Smart Guys 7:27

Da roads to da Mahke Peopo Place Start from dat wahine house, An all dose roads go down To da rooms inside Hell.

Smart Guys 9:6

You guys dat donno wat fo do, You gotta change how you stay, Fo you live fo real kine! You gotta stick wit da way Dat goin help you undastan stuff!’ ”

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 35:8

Dat place, one build up road goin stay ova dea. Peopo goin call um “Da Road Fo Go By Da God Dat Stay Good An Spesho.” Goin be fo da peopo dat stay tight wit God. Da peopo dat do bad kine stuff dat make um so dey no can pray, Dey no can go on dat road. But anybody dat go dat way, Even da stupid ones, Dey no goin get lost.

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Matthew 25:46

“Den wen da bad guys mahke, dey goin get punish foeva! But da guys dat erytime do da right ting, dey goin live to da max foeva!”

Matthew 3:2

He tell, “You guys gotta come sorry fo all da kine bad stuff you stay do now, an no do um no moa. Cuz God in da sky stay King hea now.”

Matthew 3:8

Jalike one fruit tree give same kine fruit, you guys gotta do da kine good stuff dat show you come sorry fo do all da kine bad stuff you stay do, an no do um no moa.

Matthew 7:14

But da real gate stay skinny an da real road mo smalla. Dass da one fo bring you to God dat goin make you live fo real kine, an ony litto bit guys goin pick dat road.

Luke 14:33

Jesus tell, “Same ting. You guys no can be my guys if you no give up eryting you get.”

Luke 9:33

Wen da two guys start fo go way from Jesus, Peter tell him, “You know wat, Boss? Good we stay ova hea! We goin make three shacks, one fo you, one fo Moses, an one fo Elijah!” (He neva know wat he stay talk bout.)

John 10:9

I jalike da gate. If anybody trus me, God goin take um outa da bad kine stuff dey stay in, an let um go. Dass jalike dey goin go inside God place thru da gate, az me. An dey goin go wea eva dey like go an find food fo eat.

John 14:6

Jesus tell um, “No mo anodda guy can bring peopo to da Faddah, ony me. I bring peopo to um, jalike I da road. I da guy dat get da trut. I da guy dat make da peopo come alive fo real kine.

Jesus Guys 3:19

“So den, you guys gotta change how you tink an no do all da bad kine stuff you stay do befo time. You gotta stay tight wit God. Den he goin hemo yoa shame fo all da bad kine stuff you guys wen do.

Rome 9:22

Same ting wit God. He like show erybody dat he had it wit da stuff da peopo like do. He like make shua erybody know he get plenny powa. Fo show dat, fo one long time he take any kine stuff da peopo do—da kine stuff he no like take. But dose peopo dat make lidat, fo shua dey goin get wipe out bumbye.

2 Corint 4:4

Satan, he jalike da god fo da peopo nowdays. He make some peopo fo dem no undastan. Az da peopo dat no trus Da One In Charge fo real kine. Dass jalike dey no can see da light. Dey no can undastan da Good Stuff bout how awesome Christ stay, da One dass same same jalike God. Jesus jalike one picha fo show how God stay.

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.

Galatia 5:24

Erybody dat stay Jesus Christ guys, dey no goin do all kine bad kine stuff dea body tell um fo do cuz dass how dey stay. Jalike dey wen put all dat kine stuff on top da cross wit Jesus Christ. Den dat stuff no goin get powa ova dem no moa.

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

1 John 5:19

Us guys know dat we come from God, but da Bad Guy stay in charge a all da odda peopo inside da whole world.

Jesus Show 12:9

Da big Dragon, God throw um outa da sky. Dass da ol snake. Dey call um da Devil an Satan, Da One Dat Stay Agains God. He bulai all da peopo inside da world. God throw him an his angel messenja guys down on top da earth.

Jesus Show 13:8

Erybody on top da earth goin go down an pray to da Wild Animal. Ony da peopo dat get dea name inside da Book Dat Tell Who Get Da Kine Life Dat Come From God, dey no goin go down an pray to da Wild Animal. Az cuz dey da peopo dat stay tight wit God Bebe Sheep Guy. From da time wen God make da world, God make one plan fo let da peopo kill his Bebe Sheep Guy.

Jesus Show 20:15

Erybody dat no mo dea name inside Da Book Dat Tell Who Get God Kine Life, God throw dem inside da lava lake dat stay burn.

Jesus Show 20:3

Da angel throw da Dragon inside da Deep Dark Hole an lock um up, an seal da lock fo make um stay inside. Den Satan no can bulai da diffren peopos all ova da world fo da tousan year. Afta dat, dey gotta let Satan go fo short time.