Matthew 7:11 - Hawaii Pidgin Bible

¹¹ Eh, no matta you guys no good, still yet you know how fo give good kine stuffs to yoa kids. Fo shua den, yoa Faddah in da sky goin give good kine stuffs to da peopo dat aks him fo do someting fo dem.

Matthew 7:11 Iomraidhean Croise

Start 6:5

Da One In Charge wen see how da peopo stay do mo an mo plenny bad kine stuff, all ova da world. All da time dey ony tink how fo do bad kine stuff.

Start 8:21

Da One In Charge, he smell da nice smell from da sacrifice an he stay good inside. He tell, “Dis da las time I goin make one bad ting happen to da groun cuz a da peopo. Cuz from small kid time, weneva da peopo make one plan, dey ony like do bad kine stuff. But I no goin wipe out eryting dat stay alive one mo time, da way I wen do um dis time.

2 Samuel 7:19

You da One In Charge a me! All dis, fo shua not one big deal da way you see um! Cuz you even stay talk bout wat goin happen to my ohana long time afta now. I yoa worka guy, an you da One In Charge a me! Dis how you make to odda peopo erytime, o wat?!

Job 15:16

Even mo den dat, peopo no stay clean inside. Dey do real pilau kine stuff. Dey like do bad kine stuff jalike dey like drink watta.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Songs 85:12

An mo den all dis, Da One In Charge Goin give good tings to us guys, An oua land goin grow Choke plenny stuff.

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Isaiah 49:15

But Da One In Charge tell, “Eh! You tink one muddah goin foget Her bebe dat stay breas feed? You tink she no mo love an pity Fo da kid she wen born? No matta she foget, Me, no way I goin foget you Jerusalem guys!

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Jeremiah 33:14

Da One In Charge tell: “You know wat?! Da time goin come wen I goin do all da good kine tings I wen promise fo do fo da Israel ohana an da Judah ohana.

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

Malakai 1:6

Da One In Charge tell, “Eh, you pries guys dat talk bad bout me! Da boys, dey suppose to get respeck fo dea faddah guys, aah? An da worka guys, dey suppose to get respeck fo dea boss guys. So den! I da faddah fo you guys, but you guys no mo respeck fo me. I da boss fo you guys, but you not sked fo no do wat I tell you fo do. Me, Da One In Charge, Da God Ova All Da Armies, an dass wat I stay tell you guys.” But you pries guys tell, “Tell us, how us guys talk bad bout you?!”

Matthew 23:9

No call nobody inside da world yoa ‘Faddah,’ cuz you guys get ony one Faddah, an he stay in da sky.

Matthew 7:10

If he go aks you fo one fish, you goin give um one snake, o wat?

John 3:16

“God get plenny love an aloha fo da peopo inside da world. Dass why he sen me, his one an ony Boy. Cuz a dat, erybody dat trus me no goin get cut off from God foeva! Dey goin get da real kine life dat goin stay to da max foeva!

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

Rome 3:9

So wat, den? You tink us Jew guys mo betta den dem? No way! Cuz I awready show you guys dat da bad kine stuff get powa ova erybody, da Jew guys an da ones dass not Jew guys.

Rome 8:32

God neva even hold back his Boy. He wen make um come one sacrifice fo help all us guys. God wen give his Boy fo mahke fo us. Dat mean God no hold back notting. He give us ery good ting to da max!

Galatia 3:22

Da Bible tell dat erybody stay do bad kine stuff an dass jalike dey stay lock up in prison cuz a dat. An dass how come da Bible tell dat dey lock up fo show dat peopo gotta trus Jesus Christ, fo get da kine life God wen promise.

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

1 John 3:1

Tink bout da kine love an aloha da Faddah wen show us! He even call us his kids! An us his kids fo real kine, you know. Az why da peopo inside da world donno wat kine peopo us, cuz dey donno God.

1 John 4:10

Dis how da real kine love an aloha stay: God wen get love an aloha fo us guys, no matta us guys no mo love an aloha fo him. An he wen sen his Boy fo mahke. An cuz he wen mahke, he come da sacrifice dat hemo da shame fo all da bad kine stuff us guys wen do.