Matthew 5:6 - Hawaii Pidgin Bible

⁶ “Da peopo dat erytime fo real kine like do da right ting, Dey can stay good inside Cuz God goin help um do um.

Matthew 5:6 Iomraidhean Croise

Songs 107:9

Cuz Da One In Charge Give da thirsty peopo wat dey need. He fill up da hungry peopo Wit good kine stuff.

Songs 145:19

Fo da peopo dat feel jalike dey sked Wen dey in front Da One In Charge, He do da ting dass Da bestes ting fo dem. Wen dey yell fo him help dem, he lissen, An he get um outa trouble.

Songs 17:15

But me, I goin see you fo real kine Cuz I get um right wit you. Bumbye, wen I wake up, I goin see you right dea wit me, An dass goin be enuff fo me!

Songs 63:5

Inside, I feel jalike I get eryting I like, Jalike wen I eat da bestes kine grinds. I goin yell cuz I feel good An tell erybody dat you da bestes!

Songs 65:4

Anybody you pick an bring um nea you Fo dem make house Nex to yoa Temple, Dey can stay good inside. Az fo shua! Az good, us come yoa house, Da place dat stay spesho fo you— Us no goin need notting moa.

Songs 84:2

Me, I excited fo go inside da open lanai Aroun da Temple Fo Da One In Charge! I like go dea, mo den I can handle. I goin sing fo da God Dat Stay Alive Cuz I stay real good inside! I goin all out fo yell fo him!

Smart Guys 10:24

Da bad guys, da worses ting dat dey tink can happen to dem, Dass wat goin happen. Da guys dat stay do da right ting, da ting dey like da mostes, Dass wat dey goin get.

Smart Guys 21:21

Whoeva go all out fo come Da kine guy dat do wass right erytime, An dat stay tight wit his ohana, Long time he goin live, An peopo goin do good tings fo him, An show um choke respeck.

Love Song 5:1

Eh sistah! I stay come inside my garden, My bride, da one I love. I bring my myrrh, an my balsam spice too. I eat my honeycomb, an my honey too. I drink my wine, an my milk too. Eh ma frenz! Eat an drink! You guys dat love each odda, drink plenny, Till you come full.

Isaiah 25:6

On top dis mountain, Jerusalem side, Da One In Charge, Da God Ova All Da Armies, He goin make one big luau fo all da diffren peopos. Goin get da bestes kine food, All da bestes kine wine, An good kine meat wit plenny good stuff inside da bone, Ol kine wine dat no mo junks awready.

Isaiah 41:17

“Da peopo dat get hard time An need somebody fo help dem, Dey look fo watta, but no moa. Dea tongue all dry up Cuz dey thirsty. But me, Da One In Charge, I goin do someting fo help dem. Me, da God fo da Israel peopo, I no goin go way an leave um!

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Isaiah 66:11

Cuz bumbye, you guys goin be Jalike one bebe dat stay breas feed, An no worry bout notting no moa, Cuz get plenny fo drink, An feel good bout eryting.”

Jeremiah 31:25

Erybody dat come weak cuz dey thirsty, I goin give um plenny fo drink. Erybody dat feel jalike dey goin fall down cuz dey hungry, I goin feed dem plenny.”

Luke 1:53

He stay give da hungry peopo Good stuff fo eat, An he stay sen away da rich guys Wit notting.

Luke 6:21

You guys dat stay hungry now, You can stay good inside Cuz you goin come full! You guys dat cry now, You can stay good inside Cuz you goin laugh!

Luke 6:25

Bummahs you guys dat stay full now! You goin come hungry! Bummahs you guys dat laugh now! You goin come real sad an cry!

John 4:14

But whoeva drink da kine watta I goin give, dey no goin come thirsty no moa. Cuz da kine watta I goin give dem goin come jalike watta dat stay come out all da time. An dat watta goin make dem live to da max foeva!”

John 6:27

No go work ony fo da kine food dat bumbye come no good. Work fo da kine food dat las long time an make you guys live to da max foeva! I da Fo Real Kine Guy, an I give you guys dat kine life, cuz God da Faddah give me da right fo do dat.”

John 7:37

On da las day a da spesho religious kine ceremony, dass da main day, Jesus stan up, an talk real loud. He tell, “Whoeva stay thirsty, let um come by me fo drink.

Jesus Show 7:16

Dey no goin eva come hungry o thirsty one mo time! Dey no goin eva get burn from da real hot sun no moa!