Matthew 5:22 - Hawaii Pidgin Bible

²² But I tell you guys dis: Whoeva stay huhu wit his braddah gotta come in front da judge. Whoeva tell his braddah, ‘You no good!’ gotta come in front da main leadas. But whoeva tell, ‘You stupid an good fo notting!’ gotta go to da Hell fire.

Matthew 5:22 Iomraidhean Croise

Start 37:4

Da braddah guys see dat Joseph was da one dea faddah love mo plenny den he love dem. Az why dey hate Joseph. Dey hate um so plenny dey no can even talk nice to him.

Start 37:8

Da braddah guys tell um, “Wot! You tink you goin come king ova us guys? You tink you goin tell us guys wat we gotta do?” Cuz a da dream, an cuz a wat Joseph stay tell um, dey hate um mo plenny den befo time.

2 Samuel 16:7

Wen Shimei yell fo God put kahuna on top David, he tell, “Get outa hea! You one guy dat kill plenny peopo! Fo shua, you good fo notting!

2 Samuel 6:20

David go home fo tell his ohana he like God make eryting go good fo dem. But befo he come inside, Saul girl Michal (az David wife) go outside fo tell him howzit. She tell, “Bummahs! You da Israel king. But you lose face today cuz how you wen make! You let da slave wahines dat work fo yoa guys, see yoa body! Dass how da kine guys dat no worth notting stay do, you know!”

1 Kings 21:4

Den Ahab go home. He look real mad, cuz Nabot da Jezreel guy tell um, “I not goin sell um to you! Dat land, stay wit my ohana from my ancesta time till now.” So Ahab go lay down on top his punee. His face look at da wall, an he no eat notting cuz he all piss off.

2 Records 16:10

Cuz a dat, Asa come real huhu wit Hanani, da guy dat can see wat goin happen, an he lock Hanani legs inside da holes in one wood frame inside da prison, cuz he mad bout wat Hanani tell. Same time, Asa make plenny cruel kine presha fo some a da peopo.

2 Records 19:5

He pick local leada guys fo all da Judah towns, inside all da big towns dat get strong wall, one town afta anodda.

Nehemiah 5:8

Wen erybody come togedda, I tell um, “Us guys, we stay buy back oua Jew braddah guys dat befo time peopo wen sell to da odda peopos fo make um slaves. Nuff awready, fo us guys do dat. But now, some a you guys, you stay sell yoa braddahs! An den, we gotta buy dem back too! No ways!” Da rich guys, dey no tell notting cuz dey no mo notting fo tell.

Songs 109:3

Dey come all aroun me Fo tell how plenny dey hate me. Dey attack me, no matta I neva do notting to dem.

Songs 14:1

Da stupid peopo, dey tink “No mo God!” Dat kine peopo, dey jam up stuff. Pilau wat dey do! No mo even one a dem dat do good kine stuff!

Songs 25:3

Same ting fo all da peopo dat stay wait fo you Cuz dey shua you goin help um. No let dem come shame too! But da back stabbas Dat do um cuz dey like do um, Make dem come shame!

Songs 35:19

Da bulaia guys dat stay agains me, No let dem feel good Cuz dey win ova me. Da ones dat hate me No matta I neva do notting to dem, No let dem smile cuz I feel bad.

Songs 37:8

No come huhu, no come mad. No let notting bodda you, Cuz dat ony goin hurt somebody.

Songs 49:10

Even da peopo dat know Wat fo do erytime, Dey mahke, Same ting da peopo dat tink dey get um, But dey no get um, An jalike da stupid peopo too— All dem disappea. Dey leave all dea stuffs Fo odda peopo dat come afta.

Songs 69:4

Da peopo dat stay hate me, An I neva do notting Fo make dem hate me, Get mo plenny a dem, Den I get hairs on top my head! Get choke plenny peopo Dat like kill me Fo make me shut up foeva! Dey stay agains me, But dey ony bulai bout me. Dey talk jalike I gotta give back someting Dat I neva take away from nobody!

Songs 7:4

O if I wen go set up my fren So someting bad happen to him, O if I rip off somebody dat give me hard time, Jus cuz I like do um—

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Smart Guys 14:16

Da peopo dat know wat fo do erytime, Dey sked an dass why dey stay outa trouble. Da ones dat tink dey get it but dey no get it, Dey jus jump right inside da trouble an no give a rip.

Smart Guys 18:6

Da kine peopo dat tink dey know eryting but dey donno um, Weneva dey open dea mout, Somebody goin like fight wit dem. Wateva dey tell, Make odda peopo like use one whip fo wack um.

Jeremiah 17:11

“Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”

Sad Song 3:52

Da peopo dat stay agains me, Dey hunt me jalike I one bird, No matta I neva do notting agains dem.

Daniel 3:13

Wen King Nebukadnezzar hear dat, he come real huhu, an tell his guys go bring Shadrak, Meshak, an Abednego by him. So his guys bring da three a dem in front da king.

Daniel 3:19

Den King Nebukadnezzar come even mo huhu wit Shadrak, Meshak, an Abednego, an his face come red cuz he real mad. Den he tell his guys fo make da oven fire place seven times mo hot den befoa.

Obadiah 1:10

Cuz you guys wen go bus up Da peopo dat come from yoa ancesta braddah Jacob, You goin get plenny shame. You guys goin come wipe out foeva.

Obadiah 1:12

No good you guys throw party fo laugh at yoa braddah Jacob guys, Wen dey get plenny trouble! No good you guys dance an sing Wen da Judah peopo come wipe out. No good you guys talk big an make fun Da time dey suffa plenny.

Matthew 10:17

Watch out fo da guys dat goin set you up in front da main leadas, an goin whip yoa back hard inside da Jew churches.

Matthew 10:28

No sked da guys dat can make yoa body mahke, but no can make yoa spirit mahke. But you guys betta come sked a God. He can make yoa body an yoa spirit get cut off from God foeva inside Hell.

Matthew 12:24

Da Pharisee guys hear dat, an dey tell, “Nah! Az Beelzebul, da Devil. He da leada guy fo da bad kine spirits, you know. He da one give dis guy da powa fo make da spirit let da guy go, az why!”

Matthew 17:5

Peter still stay talking, an you know wat? Get one bright cloud cova dem. Den, one voice from inside da cloud tell, “Dis my boy! I get plenny love an aloha fo him. I feel real good inside cuz a him. Eh, lissen him!”

Matthew 18:21

Den Peter go by Jesus an tell, “Eh, Boss, how many times my braddah can do bad tings to me, an I gotta let him go? Seven times, o wat?”

Matthew 18:35

Den Jesus tell one mo ting, “My Faddah in da sky goin do lidat to all you guys, if you no let yoa braddah go fo real kine fo all da bad kine stuff yoa braddah wen do to you.”

Matthew 23:15

“Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys go all ova da ocean an all ova da land fo find one guy dat not one Jew fo make um come one Jew. But afta he come one Jew, you guys make him two times mo worse den you guys. Cuz dat guy goin go Hell jalike you guys.

Matthew 23:33

You guys jalike da poison snakes, an you guys come from one snake ohana! You guys tink God da Judge goin let you guys go? No way! You tink you guys not goin go Hell? No way!

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Matthew 26:59

Da Main Pries guys an all da main leadas try fo find guys fo bulai bout Jesus in front da judge. Az cuz da leada guys like kill Jesus.

Matthew 3:17

An wow! Had one voice from da sky tell, “Dis my boy. I get love an aloha fo him fo real kine, an I stay good inside cuz a him!”

Matthew 5:34

But eh! I tell you guys dis: No go tell, ‘I swea to God.’ No make one promise an tell ‘I swea by da sky up dea, dat I goin do um!’ cuz dass God throne, wea he stay sit cuz he in charge.

Matthew 5:44

But I stay tell you guys dis: Show love an aloha fo da guys dat hate you! An aks God fo help da guys dat make you suffa!

Mark 14:55

Da Main Pries guys an all da main leadas try find proof fo show agains Jesus fo dem kill him, but dey neva find notting.

Mark 15:1

Early morning time, all da Main Pries guys, da older leadas fo da peopo, da teachas dat teach da Rules From God, an all da main leadas, go figga out wat fo do bout Jesus. So dey tie him up, take him away, an give him to Pilate, da govna.

Luke 12:5

But I show you who fo come sked bout—betta come sked a God, cuz he can kill yoa body an den he get da powa fo throw you inside Hell. Yeah, I tell you, he da One you gotta come sked bout!

Luke 22:66

Wen da sun come up, da older leadas fo da peopo, da Main Pries guys, an da teachas dat teach da Rules From God come togedda, an bring Jesus in front dem.

John 11:47

Den da Main Pries guys an da Pharisee guys tell all da Jew leadas fo come togedda. Dey tell, “Dis guy Jesus stay do all kine awesome stuff dat show who him! Wat we goin do?

John 15:25

But all dis stuff stay happen, jalike dea Rules tell, ‘Dey hate me fo notting.’

John 7:20

All da peopo tell, “Wassamatta you? You get one bad kine spirit in charge a you, o wat? Wat you mean, somebody try fo kill you?”

John 8:48

Da Jew leada guys tell him, “Az right wat we tell! You one Samaria guy, not one real Jew, an you get one bad kine spirit in charge a you!”

Jesus Guys 17:18

Some teachas dat tink same same like da guy Epicureas an odda teachas dat tink same same like da Stoic guys, dey come fo talk wit Paul. Some a dem tell, “Wat dis mynah bird stay try fo tell?” Odda guys tell, “Jalike he stay tell bout odda peopos gods.” Dey talk lidat cuz Paul teach da Good Stuff Bout Jesus, an tell peopo dat Jesus wen come back alive from mahke.

Jesus Guys 22:30

Da nex day, da main captain like find out fo real kine how come da Jew guys poin finga Paul. He let him go outa jail, an tell da Main Pries guys an all da main leada guys fo come togedda. Den he bring Paul an put him in front dem.

Jesus Guys 23:1

Paul look strait at da main leada guys an tell, “My braddahs, fo shua I wen do all da stuff God like me fo do wit one good heart even till today.”

Jesus Guys 24:20

An da guys dat stay ova hea, let um tell wat dey tink I wen do wrong. Dey neva tell notting, da time I stan in front da main leada guys befo time.

Jesus Guys 4:15

Az why da leada guys tell Peter an John fo go outside, an da leada guys talk togedda.

Jesus Guys 5:21

Wen da sun come up, dey go inside da open lanai fo da Temple jalike da angel guy tell um fo do, an dey start fo teach da peopo. Da Main Pries Guy an his guys tell all da main leadas, an all da odda leadas fo da Israel peopo fo come togedda. An dey sen guys to da jail fo bring Jesus guys to dem.

Jesus Guys 5:27

Dey bring in da guys Jesus wen sen all ova an make dem stan in front da main leadas, fo da Main Pries Guy aks dem stuff.

Jesus Guys 6:12

Dass how dey make da peopo, da older leadas, an da guys dat teach da Rules From God come all huhu wit Stephen. Dey grab him an bring him in front da main leada guys.

Jesus Guys 6:15

All da guys dat stay sit dea an da main leada guys look at Stephen real good, an dey see dat his face stay look jalike one angel guy face.

Jesus Guys 7:37

Moses, he da same guy dat tell da Israel peopo layta, ‘God goin sen one Guy fo you dat goin talk fo him, jalike he wen sen me. An dat one goin come from you guys ohana.’

Rome 12:10

Give my braddahs an sistahs plenny love an aloha. Go all out fo show da oddas you get plenny respeck fo dem.

1 Corint 6:10

da steala guys, da greedy guys dat like hog eryting ony fo dem, da piloot guys, da peopo dat talk any kine to anodda guy face, da peopo dat con da odda guy—fo all dese kine peopo, no way dey goin get God fo dea king!

1 Corint 6:6

But one braddah go take anodda braddah in front da judge! Mo worse, da judge no even trus God!

Rules Secon Time 15:11

Erytime, goin get some peopo dat no mo notting inside da land. Az why I tell you guys fo get one good heart fo give stuff to yoa braddah guys wen dey no mo powa an dey need plenny inside yoa land.

Rules Secon Time 16:18

Pick local leada guys an govmen guys fo all da ohanas inside ery town dat yoa God, Da One In Charge, stay give you guys. Dey goin judge da peopo, an do um da right way.

1 Tessalonika 4:6

Az why fo all dis kine stuff bout da guys an da wahines, you guys betta not go buckaloose an cheat yoa braddah o sistah. Cuz Da One In Charge, he goin punish you guys if you do dat kine bad kine stuff. Dass jalike we wen tell you guys befo time. We wen tell you guys fo real kine, “You guys betta not fool aroun nobody!”

Titus 3:2

Tell dem no talk bad bout nobody, an no beef. Dey gotta make frenz wit erybody. Dey gotta tink bout how da odda guy feel. Dey gotta let da odda peopo go firs.

Hebrews 12:25

Eh, you guys! Make shua you lissen God, da One stay talking. Da Israel peopo, dey neva like lissen Moses. He da guy hea inside da world dat wen tell dem wat God tell. But cuz dey neva lissen, God wen punish dem. Dat mean, us guys goin get it even moa, if we no lissen da One from da sky wen he stay talk to us!

Hebrews 5:9

Christ wen come perfeck, an now he da One dat take all da peopo dat lissen him outa da bad kine stuff dey stay do. An he help um stay perfeck lidat foeva.

James 2:20

Wot! You pupule o wat?! If you trus God, but den, you no do good tings, az no good. You tink I gotta show proof a dat, o wat?

James 3:6

An da mout jalike one fire. Erybody get mout, but wit yoa mout you can make one diffren kine world, wea eryting stay wrong. Da tings us guys tell wit da mout can make us come bad inside. Cuz wat we tell can make eryting come jalike get one fire stay burn you up inside. An dat kine fire come strait from Hell.

1 Peter 2:23

Wen dey tell any kine to him, he neva ansa back. Wen he suffa, he neva tell he goin pay um back. But he let God da Judge take kea all dat cuz he know God do da right ting.

1 Peter 3:9

If somebody do bad kine tings to you, no do bad kine tings back. If somebody talk any kine to you, no talk back any kine. But aks God fo do good kine stuff fo da guy. Dass why God wen tell you guys fo come be his guys fo him do good kine stuff fo you guys.

1 John 2:9

Dis wat God tell: whoeva tell dey stay inside da light, but hate dea braddah o sistah, jalike dey still stay inside da dark cuz dey no do wat God tell um fo do.

1 John 3:10

Dis wat show who God kids an who Satan kids: whoeva no do wat stay pono, dey not God kids. Whoeva no mo love an aloha fo dea braddah an sistah, dey not God kids too!

1 John 5:16

If you see yoa braddah doing bad kine stuff, even if he not cut off from God cuz a dat, you gotta tell God fo help um, an God goin give yoa braddah life! I stay talk bout da bad kine tings dat peopo do but dey not cut off from God cuz a dat. Get bad kine stuff dat peopo do dat fo shua make um come cut off from God jalike dey mahke inside—I no tell dat you gotta pray bout dat.

Jude 1:9

Neva was lidat wit Michael, da main angel guy wen he wen fight wit Satan bout Moses body afta Moses mahke. But no way Michael poin finga Satan an talk harsh kine to him. He ony tell Satan, “I like Da One In Charge tell you, ‘No good wat you stay do!’ ”

Jesus Show 20:14

Den God throw da guy dat stay in charge a da place wea da mahke guys go, inside da lava lake dat stay burn. An he throw da guy dat make um mahke inside dea too. Dat lake, dass wea da peopo goin mahke da secon time.