Matthew 4:8 - Hawaii Pidgin Bible

⁸ Den da Devil take him up on top one big mountain, an show him all da diffren countries all ova da world, an how awesome dey stay.

Matthew 4:8 Iomraidhean Croise

Esther 1:4

Fo six month he show off all da big awesome rich stuff he own cuz he da king fo all dat.

Esther 5:11

Haman call togedda his frenz an Zeresh his wife. He talk big to dem bout all his rich stuffs, bout all his boys, an how da king show him plenny respeck, an make him mo importan den all da odda alii an palace guys dat stay work fo da king.

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Census 23:3

Den Balaam tell Balak, “Stay ova hea by da side a yoa burn up kine sacrifice. I goin go ova dea. Maybe Da One In Charge goin meet wit me. Wateva he tell me, I goin tell you.” Den he go to one hill top wea no mo notting.

Matthew 16:26

Poho fo one guy get eryting inside dis world, but da guy end up cut off from God foeva, an no mo da real kine life inside. You tink you rich enuff fo buy back yoa life?

Matthew 4:5

Den da Devil take him to Jerusalem, da town dat stay spesho fo God, an make him go up da big towa on top da temple.

John 5:20

My Faddah get love an aloha fo me, his Boy. An he show me eryting dat he stay do. He goin show me even mo betta tings den dis, an dat goin blow yoa mind!

1 Peter 1:24

Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”