Matthew 4:5 - Hawaii Pidgin Bible

⁵ Den da Devil take him to Jerusalem, da town dat stay spesho fo God, an make him go up da big towa on top da temple.

Matthew 4:5 Iomraidhean Croise

2 Records 3:4

Da lanai in front da whole temple was thirty feet wide an thirty feet high. Da inside a da lanai, he put gold walls an ceiling.

Nehemiah 11:1

Da leada guys fo da peopo live inside Jerusalem town. So all da odda peopo wen pull name fo pick one small ohana from ery ten ohanas. Da ones dey pick, gotta move house fo live inside Jerusalem, da town dat stay spesho fo God. Da odda nine ohanas stay inside da towns wea dey stay.

Nehemiah 11:18

All da Levi ohana guys dat stay live inside Jerusalem, da Town Dass Spesho Fo God, dey 284 guys.

Isaiah 48:2

You guys tell dat you come From Jerusalem, da town dat stay spesho fo God, An dat you guys trus da God fo da Israel peopo— His name, Da One In Charge, Da God Ova All Da Armies.

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Daniel 9:16

Boss, you do eryting right. So I tell I like you fo pau stay huhu agains us guys, an no stay mad no moa. We come from Jerusalem, yoa big town, da hill dat stay spesho fo you. All da peopo aroun us stay laugh at us guys an poin finga us cuz a all da bad kine stuff we stay do, an da bad kine stuff oua ancesta guys wen do.

Daniel 9:24

“Seventy times seven year, az da time God wen make fo yoa peopo an fo yoa town dat stay spesho fo God: fo make da peopo dat go agains God stop, fo make da ones stay do bad kine stuff stop, fo make sacrifice, fo make da peopo dat do wass wrong come pono wit God, fo make dem do da right kine stuff all da time, fo put seal fo show dat wat da guy dat talk fo God dream stay fo real, an fo make da Real Real Spesho Place inside da Temple come spesho fo God one mo time.

Luke 4:9

Den da Devil take Jesus to Jerusalem an make him stan on top da high part a da towa on top da Temple. Da Devil tell, “So, wat? You God Boy fo real kine? Kay den, go jump down dea.

John 19:11

Jesus tell, “Ony one way you get da right fo hurt me. Ony if God Up Dea Inside Da Sky give you da powa fo do all dis, den you can do dis. Dass why da guy dat wen turn me ova to you, he do mo worse ting den you.”

Jesus Show 11:2

But no go measure da open lanai outside da temple, cuz God let da ones dat not his peopo take ova. Dey goin walk all ova Jerusalem, da town dat stay spesho fo God, fo three an a half year. (Dass 42 month, o 1,260 days, you know.)