Matthew 4:4 - Hawaii Pidgin Bible

⁴ But Jesus tell, “Da Bible tell, “ ‘No mo nobody dat can live ony wit food, Gotta lissen eryting God tell, Fo live fo real kine.’ ”

Matthew 4:4 Iomraidhean Croise

Outa Egypt 16:15

Wen da Israel peopo see um, an dey tell each odda: “Eh! Wass dat?” Cuz dey neva know wat kine stuff dat, az why. Moses tell um, “Dass da kine bread Da One In Charge give you guys fo eat.

Outa Egypt 16:35

Da Israel peopo eat da manna fo forty year, all da time till dey get to da land wea dey goin make house. Wen dey come jus outside da Canaan land, den no mo da manna no moa.

Outa Egypt 16:8

Moses tell dis too: “Da One In Charge goin give you guys all da meat you can eat, sun down time, an all da bread you can eat, morning time. Dass cuz Da One In Charge hear you guys stay grumble bout him. Dat no mean notting fo me an Aaron, cuz you guys no stay grumble to us guys, you stay grumble bout Da One In Charge!”

Outa Egypt 23:15

Spring time, make da Bread Dat No Mo Yeast time. Seven days, no can eat bread dat get yeast inside, jalike I tell you guys fo do befo time. Do um da same month ery year dat you guys wen get outa Egypt. Nobody can come in front me if dey no mo someting fo give me.

Matthew 15:11

Wat you guys put inside yoa mout no make you pilau inside so you no can pray, but wat come outa yoa mout, dass wat make you come pilau inside.”

Matthew 4:10

Jesus tell him, “Beat it awready, Satan! Da Bible befo time tell, “ ‘Gotta go down on yoa knees An show plenny respeck to God, Da One In Charge, An live an work ony fo him.’ ”

Matthew 4:7

But Jesus tell, “Da Bible tell: ‘God, he Da One In Charge a you. So no try presha him fo make um show proof dat he God.’ ”

Mark 7:20

Den Jesus tell, “Da kine stuff dat come outa one guy, dass wat make him pilau inside fo him no pray.

Luke 4:12

But Jesus tell him, “Not! Cuz da Bible tell, ‘God, he Da One In Charge a you. So no try presha him fo make him show proof dat he God.’ ”

Luke 4:4

Jesus tell, “No ways! Cuz da Bible tell, ‘No mo nobody dat can live ony wit bread.’ ”

Luke 4:8

Jesus tell him, “No ways! Cuz da Bible tell befo time, “ ‘Gotta go down on yoa knees An show plenny respeck to God Da One In Charge a you, An live an work ony fo him.’ ”

John 15:26

“Da Kokua Guy goin come. He da Spirit dat make you guys know da trut, an he come from my Faddah. Wen I go by my Faddah, I goin sen his Spirit by you guys. He goin tell you guys wat he know bout me.

John 6:63

“God Spirit, dass who make da peopo live fo real kine. Da body no can. Wat I stay tell you guys, dass from God Spirit, an dass wat make peopo live fo real kine.

Rome 15:4

Eryting dat peopo wen write inside da Bible befo time, all dat stay inside da Bible fo teach us guys fo come mo strong fo hang in dea. Dass da good kine words we get from da Bible. Fo shua we goin know dat bumbye God goin do plenny good tings fo us.

Efesus 6:17

Wen you guys let God take you outa all da kine bad stuff you stay in, dass jalike one helmet fo yoa head. Wen you guys tell wat God tell, dass jalike one sword dat God Spirit give you.

Rules Secon Time 8:3

He make shua you guys no get big head, an let you guys come hungry, an den he feed you guys manna fo eat. You guys an oua ancesta guys neva know wat manna was from befo time. Az how he wen make you guys know dis: dat peopo no can live ony wit food. Gotta lissen eryting Da One In Charge tell too!