Matthew 4:2 - Hawaii Pidgin Bible

² Forty day, forty nite, Jesus pray an he neva eat notting. Afta dat time he stay real hungry.

Matthew 4:2 Iomraidhean Croise

1 Kings 19:8

So Elijah stan up, an eat an drink. Dat food make him strong one mo time, an he go forty day, day time an nite time, till he reach Mount Sinai, da mountain wea God stay.

Outa Egypt 24:18

Den Moses go inside da cloud. He go all da way up to da top a da mountain. He stay dea forty days, day time an nite time.

Outa Egypt 34:28

Moses stay ova dea on top Mount Sinai wit Da One In Charge, forty days an forty nites. Moses neva eat food an neva drink watta, all dat time. An he write on top da flat stones da tings God tell da peopo dey gotta do fo get da deal wit God—dass da Ten Main Rules.

Matthew 21:18

Da nex morning, wen Jesus stay go Jerusalem town one mo time, he come real hungry.

Matthew 25:35

Cuz I was hungry an you guys give me food. I was thirsty an you guys give me someting fo drink. I wen go wea nobody know me, an you guys tell, ‘Eh, come stay oua house.’

Matthew 25:42

You goin go dea cuz wen I was hungry you guys neva give me food. Wen I was thirsty you guys neva give me notting fo drink.

Mark 11:12

Da nex day, wen dey go way from Betany fo go Jerusalem one mo time, Jesus come real hungry.

Luke 4:2

Fo forty days da Devil try presha Jesus fo make um do bad kine stuff. Jesus no eat notting dat time so he can pray, an afta dat he hungry.

John 4:6

Was bout lunch time. Had one puka fo da watta dea, dey call um Jacob Puka. Jesus stay tired cuz he walk long time. His guys go inside town fo buy lunch, an he sit down by da puka. Den one wahine from dat place come fo get watta. Jesus tell her, “You can give me some watta fo drink?”

Rules Secon Time 18:18

I goin bring one guy from yoa peopo, dat talk fo me to da Israel peopo, jalike you, Moses. I goin tell dat guy wat fo tell, an he goin tell dem eryting I tell him.

Rules Secon Time 9:18

“Den jalike da firs time, I wen go down in front da Tent Fo Me Wit Da One In Charge fo forty days an forty nites. I no eat food an no drink watta all dat time, cuz a all da stuff you guys stay do dass real bad kine da way Da One In Charge see um, an dat make him come real mad wit you guys.

Rules Secon Time 9:25

“I wen go down in front Da One In Charge dat time fo forty days an forty nites, cuz he wen tell me he goin wipe out you guys.

Rules Secon Time 9:9

Da time I go up da mountain fo get da flat stones dat show da deal Da One In Charge wen make wit you guys I wen stay on top da mountain forty day an forty nite. I no eat food an no drink watta all dat time.