Matthew 4:11 - Hawaii Pidgin Bible

¹¹ Den da Devil go way from Jesus, an you know wat? Angel guys from Da One In Charge come an kokua Jesus.

Matthew 4:11 Iomraidhean Croise

1 Kings 19:6

Elijah look aroun, an right dea by his head, get one roun flat bread, da kine dey bake on top da hot rocks, an one bottle watta. He eat da bread an drink da watta, den he lay down one mo time.

Matthew 26:53

Tink bout dis: If I tell my Faddah now fo help me, he goin sen me tousans an tousans a angel army guys.

Matthew 4:6

Da Devil tell, “So, wat? You God Boy fo real kine? Kay den, go jump down dea, cuz da Bible tell, “ ‘God goin tell his angel messenja guys fo take kea you.’ “Da Bible tell dis too: “ ‘Dey goin pick you up an carry you in dea hands, Fo yoa feets no get bus up on da rocks.’ ”

Mark 1:13

Had wild animals ova dea. Jesus, he stay dea forty days. Satan try presha him fo make him do bad kine stuff, but Jesus neva. An had angel messenja guys from God dat come an take kea him.

Luke 22:43

[One angel guy from Da One In Charge Up Dea Inside Da Sky show up by Jesus an kokua him.]

Luke 22:53

Ery day I wen stay inside da open lanai fo da Temple wit you guys, an you guys neva bus me. But dis yoa time. Dis da dark time, wen da Bad Guy Satan get powa fo do his stuff.”

Luke 4:13

Wen da Devil pau try fo make Jesus do all kine bad stuff, da Devil go way from him till nex time.

John 14:30

I ony goin talk to you guys short time moa, cuz Satan stay come. Fo now, he in charge a da peopo inside dis world, but he no mo powa ova me.

1 Timoty 3:16

We all tell dis: Da stuff bout God, dat befo time was secret, dass importan fo real kine. Christ wen come, Wit one body jalike us. God Spirit wen show proof dat Christ stay right. Da angel guys from God wen see him. His guys wen teach Da diffren peopos all ova da world bout him. Get peopo inside da world dat trus him. God wen take him back To da awesome place inside da sky.

Hebrews 1:14

All da angel guys, dey da good spirits dat work fo God. He sen um all ova fo help da peopo come outa da bad kine stuff dey stay do cuz dose peopo his kids.

Hebrews 1:6

Wen God bring his Numba One Boy inside da world, he tell, “I like all my angel messenja guys Fo go down an show my Boy plenny love an respeck.”