Matthew 3:4 - Hawaii Pidgin Bible

⁴ An you know, John, his clothes come from da camel hair. He make one rope outa ledda fo one belt. He eat grasshoppa, an he get honey from da bees.

Matthew 3:4 Iomraidhean Croise

2 Kings 1:8

Dey tell, “One guy wit plenny hair, wit one ledda belt aroun his middo.” Da king tell, “Az Elijah from Tishbe!”

Isaiah 20:2

Dat time, Da One In Charge wen tell me, Isaiah, Amoz boy, fo talk fo him. He tell me, “Hemo da burmbag cloth from yoa body, an take off da slippa from yoa feets.” So I do dat. I take um off an go naked an barefeet.

Prieses 11:22

You guys can eat all kine locust bug, grasshoppa, an cricket.

Zekariah 13:4

“Dat time, all dem dat talk fo da odda gods goin come shame fo tell dea dreams. Dey no goin put on da kine clotheses dat da guys dat talk fo da odda gods make from animal kine hair, fo bulai da peopo.

Malakai 4:5

“An one mo ting I goin do, I goin sen Elijah to you guys, Da guy dat wen talk fo me befo time. He goin show up befo I come back. An dat time goin be awesome an unreal!

Matthew 11:18

“Same ting, wen John Da Baptiza Guy show up, he no eat so he can pray plenny, an he no drink wine. Dass how come peopo tell, ‘Eh, he get one bad kine spirit in charge a him!’

Matthew 11:8

Den, wat you go ova dea fo see? One guy wit fancy kine clotheses, o wat? You know wat? Da guys dat wear fancy kine clotheses stay inside da king palace.

Mark 1:6

You know, John clotheses come from da camel hair, an he make one rope outa ledda fo one belt. He eat grasshoppas, an he get honey from da bees.

Luke 1:17

John goin come firs, wit da same kine spirit an powa dat Elijah wen get. He goin make da faddahs get love an aloha fo dea kids one mo time. An da peopo dat no lissen God, he goin make dem stay tink jalike da peopo dat do wass right. He goin make da peopo ready fo wen Da One In Charge come.”

Rules Secon Time 32:13

Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.

Jesus Show 11:3

“Goin get two guys. I goin give dem da powa fo talk fo me fo all dat time. Dey goin put on burmbag kine clotheses fo show dat dey stay cry inside.”