Matthew 3:3 - Hawaii Pidgin Bible

³ Befo time, Isaiah, da guy dat talk fo God, talk bout John wen he tell dis: “He goin talk real loud inside da boonies, ‘Eh! Make da road ready fo Da One In Charge! Make da road strait fo him!’ ”

Matthew 3:3 Iomraidhean Croise

Isaiah 40:3

Somebody yell, “Ova dea inside da boonies, Move eryting outa da way, fo Da One In Charge! Strait thru da Arabah Valley, Make one big road fo oua God!

Malakai 3:1

Da One In Charge, da God Ova All Da Armies, tell dis: “You know wat I goin do? I stay ready fo sen my messenja guy. He goin make ready da road befo I go dea. Da boss guy goin show up Befo you tink he goin come Ova dea inside his Temple! Dat messenja guy da one Dat you guys tell you stay look fo him, He da messenja dat tell bout da deal. An you guys tell, ‘Us guys goin stay real good inside wen he come!’ You neva know, o wat?! Fo shua he goin come!

Mark 1:3

Inside da boonies, My messenja guy goin talk real loud an real strong Fo erybody hear: ‘Eh! Make da road ready Fo Da One In Charge! Make um strait fo him!’ ”

Luke 1:17

John goin come firs, wit da same kine spirit an powa dat Elijah wen get. He goin make da faddahs get love an aloha fo dea kids one mo time. An da peopo dat no lissen God, he goin make dem stay tink jalike da peopo dat do wass right. He goin make da peopo ready fo wen Da One In Charge come.”

Luke 1:76

An you, my boy John, dey goin call you One guy dat talk fo da God Dass Mo Importan Den All Da Odda Gods, Cuz you goin go firs, befo Da One In Charge come, Fo make da roads ready fo him,

John 1:23

John tell da same ting jalike Isaiah tell, da guy dat talk fo God long time befo time, “I da guy dat talk real strong inside da boonies, ‘Eh, make da road ready fo Da One In Charge. Make um strait fo him!’ ”